QKB: Dorëzimi i Bilanceve, nuk ka penalitete nëse keni aplikuar në kohë

QKB: Dorëzimi i Bilanceve, nuk ka penalitete nëse keni aplikuar në kohë


Bizneset që nuk kanë arritur të raportojnë pasqyrat financiare të vitit 2018 edhe pse kanë aplikuar online brenda afatit, nuk do të kenë penalitete.

Lidhur me detyrimin ligjor për depozitimin e pasqyrave financiare për vitin 2018, Drejtori i Drejtorisë së Kërkimit dhe Udhëheqjes Metodologjike Z. Flogers Broqi në  QKB zhvilloi një konferencë për shtyp.

Broqi sqaroi se, “Qendra Kombëtare e Biznesit ka bërë të ditur përmes një njoftimi zyrtar, se “subjektet të cilët kanë aplikuar online nëpërmjet portalit e-albania deri në datën 31.07.2018, (ora 24:00) dhe rezulton se aplikimi i tyre ka marrë një numër aplikimi (CN…), por, për shkak të mbingarkesës së madhe të aplikimeve, në të njëjtën kohë është bërë e pamundur plotësimi dhe dërgimi në mënyrën e duhur të pasqyrave financiare, nuk do të aplikohet kundërvajtje administrative në bazë të nenit 74, pika 3 e ligjit nr. 9723, datë 03.05.2007, “Për regjistrimin e Biznesit”.

Lexo: Mirupafshim kasa fiskale

Pra të gjithë këto subjekte që kanë aplikuar, por që nuk kanë finalizuar me sukses aplikimin për arsyen e lartpërmendur duhet të përfundojnë aplikimin e nisur edhe pas datës 31 Maj 2019 dhe të dërgojnë në mënyrë përfundimtare pranë Qendrës Kombëtare të Biznesit pasqyrat financiare të vitit 2018 deri në datën 30 Shtator 2019.

Ndërsa për subjektet që nuk kanë tentuar të aplikojnë për depozitimin e pasqyrave financiare deri në afatin e fundit të parashikuar me ligj, do të aplikohet kundërvajtje administrative në bazë të legjislacionit në fuqi.

Për sa u përket të dhënave mbi aplikimet për pasqyrat financiare të vitit 2018 është bërë me dije se numri total i aplikimeve në regjistër është 19250, nga të cilat të miratuara janë 17139 dhe të refuzuara janë 1405. Ndërkohë, numri i aplikimeve në proçes shqyrtimi është 706.

Lexo: Guida e Biznesit nga QKB

Pritshmëria e aplikimeve për vitin 2019 ishte 24218 aplikime, të cilat kishin detyrim ligjor depozitimin e pasqyrave financiare.

Numri i subjekteve/aplikimeve, të cilët kanë hapur një çështje në portalin e-Albania deri në datën 31.07.2019 ora 00.00, por nuk kanë mbërritur për shqyrtim pranë QKB është 3049. Nga këto 1410 aplikime u bënë vetëm në datën 31.07.2019.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0