Qendra Rajonale për Trashëgimi Kulturore - Prishtinë, ka prezantuar aplikacionin mobile të Trashëgimisë Kulturore të Prishtinës - Business Magazine Albania

Qendra Rajonale për Trashëgimi Kulturore – Prishtinë, ka prezantuar aplikacionin mobile të Trashëgimisë Kulturore të Prishtinës

~4 minuta lexim


Në hapësirat e Muzeut të Kosovës, Qendra Rajonale për Trashëgimi Kulturore – Prishtinë, ka prezantuar aplikacionin mobile të Trashëgimisë Kulturore të Prishtinës. 

Vlen të përmendet se ky projekt është në pajtueshmëri me orientimet strategjike të përcaktuara në Strategjinë Kombëtare të Trashëgimisë Kulturore 2017 – 2027, si dhe janë veprime që ndodhin brenda kësaj strategjie, kur bëhet fjalë për: Rritjen e përdorimit të mediave dixhitale dhe rrjeteve online për promovim të trashëgimisë kulturore të Kosovës; Edukimin e gjeneratave të reja mbi trashëgiminë kulturore; Inkurajimin e ideve kreative.

Përmes këtij aplikacioni, duke shfrytëzuar teknologjinë mobile, përkatësisht platformat Android dhe iOS, paraqiten disa nga monumentet e Trashëgimisë Kulturore të Prishtinës si dhe vende identifikuese të Prishtinës, në funksion të promovimit të trashëgimisë kulturore.

Gjatë hartimit të konceptit të aplikacionit, në funksion të përmbushjes së objektivës së promovimit dhe të gjithëpërfshirjes, qendra ka pasur në fokus të veçantë edhe partnerët e mundshëm në arritjen e qëllimit të projektit. Bashkëpunimi me Shkollën Digjitale, në njërën anë ka bërë që guida të realizohet përveç se nga profesionistët edhe nga nxënësit e kësaj shkolle. Këta të fundit gjatë gjithë punës, përveç aftësimit që kanë nxënë në fushën e programimit, kanë marrë njohuri edhe për monumentet e Trashëgimisë Kulturore të Prishtinës. Një pjesë e fondit për realizimin e projektit është përdorur për shkollimin e 12 fëmijëve boshnjak të fshatit SOS në kohëzgjatje prej 1 viti në Shkollën Digjitale.

Për të mësuar më shumë rreth Shkollës Digjitale BusinessMag ka realizuar një intervistë me Hana Qerimi një nga bashkë-themelueset. Lexoni intervistën: Shkolla Digjitale, aty ku konceptet e programimit mësohen qysh fëmijë

Aplikacioni ka për qëllim promovimin e Trashëgimisë Kulturore të Prishtinës duke ofruar qasje në informacion përmes teknologjisë mobile. Funksionalitetet e Aplikacionit:

  • 40 vendodhje në Prishtinë
  • I disponueshëm në gjuhën shqipe dhe angleze
  • Ofron GPS për çdo pikë përmes koordinatave të sakta
  • Funksionon edhe pa qasje në internet
  • Informacion për çdo pikë
  • Një apo më shume fotografi në formë galerie për çdo vend

Aplikacioni mund të shkarkohet në PlayStore dhe AppStore

/mkrs-ks.org

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Çdo rrezik është një mundësi. Në qoftë se dështoni, mësoni nga gabimet dhe vazhdoni përsëri.”
— Richard Branson
Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0