Punonjësit besnikë punojnë shumë, por nuk heqin dorë nga prioritetet e tyre - Business Magazine Albania

Punonjësit besnikë punojnë shumë, por nuk heqin dorë nga prioritetet e tyre


“Ju nuk mund të bëni një punë të mirë, nëse kjo punë është gjithçka që ju bëni.” Peter Drucker

Ndërsa ju i detyroheni shefit tuaj përpjekjet tuaja më të mira, përkushtimin, përqendrimin, ndershmërinë dhe integritetin tuaj ka dhe gjëra të tjera, të cilat nuk i detyroheni:

Ju nuk i detyroheni shefit tuaj:

  • Shëndetin tuaj
  • Qetësinë tuaj
  • Marrëdhëniet tuaja
  • Familjen tuaj

Në këtë artikull Business Magazine ju sjell dy shembuj të treguar nga Oleg Vishnepolsky, CTO Global pranë DailyMail Online dhe Metro.Co.Uk.

“Isha duke punuar me orë të gjata dhe duke u copëtuar për atë punë. Po lija mënjanë konferencat shkollore të vajzës sime dhe lojërat e futbollit të djalit tim. Shefi më shtonte shumë stres në punën time dhe në fund u sëmura. Në vend të mbështetjes dhe ndjeshmërisë shefi, më pushoi.

Më vjen mirë që kjo ka ndodhur. Ndërsa isha jashtë punës dhe në shtëpi me fëmijët e mi, kisha një shans për të rivlerësuar atë që është me të vërtetë e rëndësishme për mua në jetën time.”

Dhe një histori tjetër:

“Bëra një aksident ndërsa isha duke ngarë makinën. Çdo gjë po shkonte shumë mirë deri në ato momente. Një familje e mrekullueshme, një punë e shkëlqyer, 2 fëmijë të bukur dhe pastaj erdhi ky aksident që më dëmtoi qafën dhe shtyllën kurrizore.

Shefja ime luajti një rol të madh në rimëkëmbjen time, ndjeshmëria dhe mbështetja e saj ishte shumë e rëndësishme për mua. Jo vetëm që më dha ditë pushimi dhe mundësinë për të punuar nga shtëpia, ajo shkoi përtej kësaj – më mori miratimin për terapi fizike dhe madje më ndihmoi të lidhja marrëveshje me kompaninë e sigurimeve. Më e rëndësishme për mua ishte shqetësimi i saj i vërtetë për mirëqenien time.

Unë u shërova plotësisht. Duhet të them se i detyrohem për qetësinë që më dha dhe mundësinë për t’u shëruar sa më parë.

Është e panevojshme ta them, besnikëria ime ndaj saj është e përjetshme, kështu është edhe mirënjohja ime.

A nuk dëshironi që të gjithë shefat të ishin si ajo?”

Për të qenë një udhëheqës i mirë, para së gjithash, duhet të jeni një person i mirë.

/Publikuar në LinkedIn nga Oleg Vishnepolsky

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0