Yacine Baroudi themelues i FasTake thotë: “E ardhmja jonë dixhitale ka të bëjë me mundësinë e një produktiviteti më të mirë dhe vendimmarrje për të shijuar një cilësi më të mirë të jetës”. Marketingu është thelbi i çdo biznesi. Nëse keni një ide për një biznes dhe doni të jeni sa më pranë klientëve atëherë duhet t’i kushtoni më shumë rëndësi marketingut. Marketingu dixhital ka disa element që zgjasin jetëgjatësinë e biznesit.
Adresueshmëria:
Aftësia e marketuesit për t’i identifikuar klientët përpara se të bëjnë një blerje. Rrjetet sociale: Vendtakim në internet që lejon përdoruesit të krijojnë një profil dhe të lidhen me përdorues të tjerë për arsye nga më të ndryshmet. Adresueshmëria lehtëson marrëdhënien marketing duke u dhënë mundësi angazhimi klientëve që të krijojnë inovimin e produktit të tyre.
Interaktiviteti:
I lejon klientët të shprehin nevojat dhe dëshirat e tyre direkt tek kompanitë përgjegjëse për komunikimet marketing. Ndryshe nga komunikimi me një kah që realizon marketingu mediatik tradicional. Shumë media dixhitale lejojnë bisedime të vazhdueshme në kohë reale ndërmjet marketuesve dhe konsumatorëve.
Aksesi:
Aftësia për të përfituar informacion dixhital rreth produkteve, çmimeve, komenteve dhe detajeve të bizneseve të konkurrencës. Marketingu i lëvizshëm i lejon marketuesit të ofrojnë promocione dhe dhurata nxitëse nëpërmjet celularëve të klientëve të tyre.
Lidhshmëria:
Përdorimi i rrjeteve dixhitale për të siguruar lidhje midis siguruesve dhe përdoruesve të informacionit. Websitet online dhe rrjetet sociale përmirësojnë lidhshmërinë duke siguruar audienca të gjera dhe të ndryshme.
Kontrolli:
Aftësia e konsumatorëve për të rregulluar informacionin që shikojnë, frekuencën dhe rradhën e ekspozimit. Internet është një medium tërheqës (pull – marketing) sepse përdoruesit kontrollojnë informacionin që ata shikojnë. Fuqia më e madhe ndodhet në duart e konsumatorëve.
Amantia Kullolli
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
