Shefi ekzekutiv dhe bashkëthemeluesi i OpenAI, Sam Altman, është shkarkuar pasi ka gënjyer bordin e drejtorëve të kompanisë.
Në njoftimin e kompanisë thuhet se ky vendim është rezultat i një debati të gjatë të bordit drejtues, por pika e fundit ka qenë se bordi nuk ka më besim tek ai, raporton theguardian.
“Përfundimi i punës së Altmanit pason një proces shqyrtimi nga bordi, i cili arriti në përfundimin se ai nuk ka qenë vazhdimisht i sinqertë në komunikimet me bordin, duke shmangur përgjegjësitë e tij. Bordi nuk ka më besim në aftësitë e tij për të vazhduar të udhëheq OpenAI”, thuhet në njoftim.
Lexo edhe: Mira Murati CEO e përkohshme tek OpenAI?
Altman u bë një nga njerëzit më të rëndësishëm në botën e inteligjencës artificiale pasi kompania publikoi ChatGPT në nëntor të vitit 2022 – një chatbot gjenerues që ka grumbulluar më shumë se 100 milionë përdorues në më pak se një vit.
Ndryshe, shqiptarja Mira Murati, CTO e OpenAI, do të bëhet CEO e përkohshme në vend të tij. Murati ka qenë pjesë e udhëheqjes së kompanisë me bazë në San Francisco për pesë vjet.
Greg Brockman do të largohet nga roli si kryetar i bordit, por do të mbajë pozicionin tjetër si president i OpenAI.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
