BusinessMag në këtë artikull ju sjell arsyet pse arsimi i lartë po zhvlerësohet në ditët e sotme.
Lexoni: Arsimi ende nuk flet gjuhën e zhvillimit
- Tarifat e larta
Shpesh, arsimi kushton shumë para dhe të diplomuarit përfundojnë duke kërkuar një punë me pagë të lartë për të shlyer borxhet e tyre. Por këtu lind edhe një problem tjetër, shumë kompani punësojnë vetëm njerëz me eksperiencë pune. Prandaj, shumë zgjedhin që menjëherë të zhyten në punë pas mbarimit shkollës së mesme dhe në të njëjtin 4-5 vjeçar ata bëhen specialistë të aftë dhe janë në një nivel të mirë pagese me përvojë të gjerë profesionale.
- Shumë inovatorë nuk kanë patur një diplomë
Oprah filloi karrierën e saj në TV kur ishte vetëm 19 vjeç. Mark Zuckerberg u largua nga Universiteti i Harvard për të punuar me projektin e tij të quajtur “Facebook”. Edukimi të bën një ndjekës të mirë, ju i perceptoni informacionet siç jepen, pa i vënë në dyshim ato, duke standardizuar njohuritë për testet dhe provimet tipike, ndërsa të tjerët shpërthejnë në punë me një mendje fleksibël, ide të freskëta dhe bëhen të suksesshëm.
- Profesione të reja shfaqen çdo ditë
20 vjet më parë, teknikët e robotikës, specialistët e SEO dhe nutricionistët nuk ishin përreth. Disa fusha po zhvillohen aq shpejt sa thjesht nuk mund të mësosh rreth tyre në shkollë. Një shembull është sipërmarrja online. Arsimi i lartë është një institucion i ndërlikuar që nuk vazhdon të jetë në një nivel me ndryshimet e shpejta që po ndodhin në botë. Dhe është shumë e frikshme të mendosh se si do të ndryshojë tregu i punës brenda 20 viteve të tjera – do të ketë punë që nuk ju ekziston as emri akoma.
Lexoni: Përtej shpërblimeve dhe përfitimeve: Çfarë e bën një kompani vërtet të mirë?
- Mësimi online është pushtet
Universitetet ofrojnë një arsim mjaft të përgjithshëm, përkundër faktit se lëndët lidhen me çështjet kryesore. Sot ekzistojnë një numër i madh platformash online që mund t’ju ndihmojnë të zhvilloni një aftësi të caktuar, sepse ndonjëherë është thjesht e panevojshme të kaloni 4 ose 5 vite duke studiuar në një universitet.
Për shembull, shumë programues të suksesshëm kanë mësuar vetë si Bill Gates dhe Julian Assange – ata mësuan gjuhë programimi nga librat shkollorë ose online dhe menjëherë i zbatuan njohuritë e tyre në praktikë. Ende ndonjëherë rezulton të jetë shumë më efektive sesa të kërkoni një program të përshtatshëm në një universitet dhe të kaloni 4 apo 5 vite studimi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
