Krijimi i iPhone ka një histori të çuditshme.
Dizajni ikonë i ditëve të sotme u krijua si pasojë e një mërie personale që Steve Jobs kishte ndaj një ekzekutivi të Microsoft.
Në eventin e zhvilluar këtë të Martë, Scott Forstall, i cili drejton departamentin softuerik të iOS në Apple, tregoi historinë surprizuese që fshihej pas krijimit të prototipit të iPhone.
E gjitha nisi sepse Jobs kishte një kolegë në Microsoft të cilin ai nuk e pëlqente aspak.
“Ai e urrente atë djalë,” tha Forstall gjatë eventit. “Sa herë që ndeshej me të, ai kthehej shumë i acaruar.”
Ky inat ndaj “kolegut pa emër” në Microsoft, i cili mburrej vazhdimisht se si ata do të pushtonin botën me teknologjinë e tyre, bëri që Jobs ti kalonte limitet.
Ai erdhi një ditë shumë i frustruar dhe tha: “Le ti tregojmë sesi bëhet puna e vërtet.”
Lexoni: THËNIE NGA STEVE JOBS QË DO T’IU MOTIVOJNË TË NDRYSHONI BOTËN
Kritikat e Jobs për teknologjinë e Microsoft ishin të vazhdueshme. Ndërsa ajo që urrente më shumë ishin stilolapsat e përdorur në tablet.
“Nuk e kuptoj pse duhet të përdorësh një stilolaps mbi një ekran… ne kemi lindur me 10 të tillë,” citoi Forstall fjalët e Jobs.
Kështu që skuadra e Jobs krijoi prototipin e një ekrani me funksionin e prekjes. Frostall tha se që në atë moment ata e kuptuan se kjo teknologji do të ishte një revolucion.
Lexoni: 6 gjërat që Samsung Galaxy S8 i bën më mirë se iPhone
Më pas Jobs vendosi që Apple duhet të krijonte smartphone-ët, një mini tablet që mund të mbahet në xhep.
Pjesa tjetër, sigurisht, është histori: Produkti më i rëndësishëm i Apple, lindi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
