Në momentin që shitjet e iPhone filluan të shënonin rënie, një nga arsyet kryesore të këtij stacionimi thuhet të jetë çmimi i lartë krahasuar me konkurrentët. Ndërsa një çmim më i ulët i telefonit do të rriste shitjet e tij, pyetja është: Pse papritmas çmimi i iPhone u bë problemi kryesor kur nuk ka qenë kështu në të kaluarën?
Telefoni i Apple gjithnjë ka qenë më i shtrenjtë se pothuajse çdo telefon Android, megjithatë kjo nuk e pengoi kompaninë të korrte sukses në shumë tregje vitet e fundit.
Së pari tregu i telefonëve inteligjentë ka ndryshuar. Në vendet e zhvilluara si Amerika e Veriut dhe Europa, tregu është saturuar dhe shumica e përdoruesve që duan të blejnë një telefon tashmë e kanë një. Rritja e shitjeve të telefonëve buron kryesisht nga vendet në zhvillim dhe hendeku në çmime mes iPhone dhe telefonëve Android është rritur shumë vitet e fundit. Nga 218 dollarë që ishte në 2008-tën, sot është 443 dollarë.
Edhe pse telefonët më të mirë të Samsung kushtojnë po aq sa edhe iPhone, ekzistojnë disa prodhuesë të cilët ndërtojnë telefonë po aq cilësorë dhe kushtojnë vetëm 1/4 e iPhone.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
