Pra, çfarë ‘loje’ po luan Amazon?
Ka disa strategji që gjigandi online i shitjes me pakicë po përdor.
Si fillim, blerja e 440 dyqaneve të Whole Foods në SHBA, shumë prej tyre në vendndodhje të mira, mund të rritë rrjetin e AmazonFresh, shërbimin e shpërndarjes së produkteve ushqimore të kompanisë.
“Për të transportuar me efikasitet sende ushqimore për konsumatorët, ju keni nevojë për shpërndarje fizike afër konsumatorit”, kanë shkruar disa analistë në Bernstein. “Dyqanet janë të vendosura në mënyrë ideale për këtë. Ata nuk do të duken si dyqane në pesë vitet e ardhshme, por do të jenë në ato vende.”
Rilindja e AmazonFresh ka ecur më ngadalë se sa pritej, sipas analistëve të Credit Suisse.
Kjo lëvizje ka shumë kuptim, duke marrë parasysh ‘armën’ e re të Amazon që u zbulua në muajin Mars: AmazonFresh Pickup.
Ky shërbim u lejon klientëve të porositin sende ushqimore në internet dhe më pas të vendosin vetë kohën për marrjen e produkteve mbas 15 minutash e më vonë. Deri tani ka vetëm dy vendndodhje, të dyja në Seattle, por AmazonFresh Pickup mund të rritet më shpejt pas marrëveshjes të së Premtes.
Blerja e Whole Foods gjithashtu mund të rritë biznesin e paketimit të Amazon, një industri që po rritet vazhdimisht në SHBA dhe tregje të tjera të zhvilluara. Marka e Whole Foods është tashmë popullore dhe Amazon do të jetë në gjendje të zgjerojë ‘gjurmët’ e saj.
Kjo e bën Amazon të rritet drejt kurbës, me një gamë produktesh më të besueshme.
Burimi: businessinsider.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
