Amazon sapo ka lançuar një program të ri trajnimi për të ndihmuar punonjësit që janë në rrezik për t’u pushuar nga puna - Business Magazine Albania

Amazon sapo ka lançuar një program të ri trajnimi për të ndihmuar punonjësit që janë në rrezik për t’u pushuar nga puna


Amazon po nxjerr një program të ri trajnimi këtë javë me qëllim që të ndihmojë punonjësit, të cilët nuk po performojnë siç duhet në vendin e punës, në mënyrë që të kenë një plan për të rritur performacën e tyre sipas një email-i të brendshëm të marrë nga Business Insider.

Programi i ri, i quajtur “Pivot,” bashkon punonjësit me performacë të ulët me një “ekspert” të quajtur Ambasadorët e Karrierës, të cilët japin udhëzime dhe mbështetje për një periudhë të caktuar kohore.

Programi vjen si kulturë e punës së vështirë në Amazon dhe impakti më të cilin përballen punonjësit e saj.

“Pivot është një program për punonjësit, të cilët tregojnë një periudhë të qëndrueshme të performancës së dobët, pavarësisht trajnimit dhe mbështetjes. Programi i siguron punonjësit opsionet për (1) përmirësimin e performancës, (2) të largohet vullnetarisht nga Amazon, ose (3) të apelojë vendimin e menaxherit të tyre për vendin e punës në Pivot.”

“Gjatë kohës së punonjësve në programin e Pivot, ata marrin udhëzime dhe mbështetje nga një ekip i dedikuar ekspertësh të quajtur ambasadorët e Karrierës (CAS).”

Programi i ri është hapi i parë që Amazon është duke marrë në mënyrë që të përmirësojë performancën, e njohur zakonisht si “PIP”, e cila po projekton vënien nën presion e atyre që konsiderohen si të dështuar për të arritur qëllimet e tyre. Programi Pivot është në dispozicion për ata që janë vendosur në PIP. Më parë, PIP nuk ka ofruar asnjë trajnim, sipas një raporti të Gawker në 2014.

Por të jesh në PIP është konsideruar si një “dënim me vdekje”, sipas disa punonjësve. NY Times e përshkroi atë si “Kodi i Amazon për ‘Ju jeni në rrezik për t’u pushuar nga puna’”.

Thuhet se ky program është mënyra e Amazon për të trajnuar dhe për të vënë në zbatim ndryshimin e sjelljes së punonjësve me performancë të ulët dhe kjo është një “domosdoshmëri” për rritjen e ekipeve të tyre.

Projekti “Game-changing”

Një numër i mirë o të punësuarve të Amazon nuk ishin në dijeni të Pivot, pasi programi ka nisur këtë javë. Shumë prej tyre nuk ishin në dijeni të titullit, “Ambasadorët e karrierës”.

Por një post pune për “Ambasadorët e Karrierës”, postuar vetëm gjashtë ditë më parë, jep çelsin e asaj që kërkon pozicioni.

Ajo thotë se pozicioni kërkon “një novator me ekspertizë në stërvitjen, lehtësimin, marrëdhëniet e punonjësve dhe HR për të ndihmuar punonjësit të arrijnë potencialin e tyre të plotë.”

Të gjitha pozicionet e “Ambasadorit të Karrierës” kërkonin mbi shtatë vjet përvojë në “HR, ndërmjetësim dhe shërbime sociale” dhe janë në dispozicion për të gjithë kompaninë, duke përfshirë dhe shërbimin e saj cloud, Amazon Web Services.

Ajo gjithashtu mund të hedhë një dritë pozitive në ambientin e punës pasi Amazon shpesh është përshkruar si më armiqësor se sa kompanitë e tjera. Në nëntor, një punonjës i Amazon është raportuar të ketë tentuar vetëvrasjen në selinë e saj Seattle, edhe pse motivi mbetet i paqartë.

Amazon refuzoi të komentojë mbi këtë histori.

burimi: Business Insider

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0