Squid Game triumfon në çmimet Emmy! Lavdi edhe për Succession të HBO - Business Magazine Albania

Squid Game triumfon në çmimet Emmy! Lavdi edhe për Succession të HBO

Lee Jung-Jae i  Squid Game u bë ylli i parë aziatik që fiton çmimin Emmy për aktorin më të mirë mashkull në një dramë. Aktori koreano-jugor e rrembeu statujën e shumëlakmuar për interpretimin e rolit të Seong Gi-hun, personazhit të trazuar të serialit tejet të suksesshëm të Netflix.

Krijuesi i Squid Game, Hwang Dong-hyuk, rrëmbeu çmimin e regjisorit më të mirë të një seriali dramatik, edhe ai gjithashtu i pari aziatik që shënon një arritje të tillë. Për të dytin vit radhazi, Ted Lasso u shpall seriali më i mirë komedi, ndërsa çmimi i zhanrit të dramës më të mirë shkoi për Succession. Krijuesi britanik i saj, Jesse Armstrong, nuk la pa bërë shaka për monarkinë në fjalimin e pranimit të nderimit të bërë.

Lexo edhe: Gara për “Luanin e Artë”. Hapet Festivali i Filmit në Venecia

“Është një javë e madhe për pasardhësit – Mbreti i ri në Mbretërinë e Bashkuar, dhe ky çmim për ne. Me sa duket, në fitoren tonë përfshihej pak më shumë votim sesa për Princin Charles.” – u shpreh Jesse Armstrong, nga The Succession.

Aktorja më e mirë u shpall Zendaya, një nga fytyrat e reja më të preferuara të Hollivudit së fundi për interpretimin e adoleshentes së varur nga droga, Rue në serialin Euphoria të HBO-së. Ceremonia e përvitshme e çmimeve Emmy nderon arritjet më të mira në industrinë e televizionit dhe artistët më të mirë të filmave dhe shfaqjeve televizive.

CNN

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0