Francoise Bettencourt Meyers është gruaja e parë në botë me një pasuri prej 100 miliardë dollarësh, duke shënuar një tjetër moment historik për trashëgimtaren dhe për industrinë e modës dhe kozmetikës në Francë, L’Oréal SA.
Pasuria e saj u rrit në 100.1 miliardë dollarë të enjten, sipas Indeksit të Miliarderëve të Bloomberg. Ky moment historik erdhi pasi aksionet e L’Oréal SA, perandoria e produkteve të bukurisë e themeluar nga gjyshi i saj, u rritën në një nivel rekord, me aksionet e vendosura për vitin e saj më të mirë që nga viti 1998. Ajo është personi i 12-të më i pasur në botë, menjëherë pas Karlos Slim.
Bettencourt Meyers ishte fëmija i vetëm i Liliane Bettencourt, babai i së cilës, Eugène Schueller, themeloi L’Oréal Group. Ajo trashëgoi pronat e nënës së saj kur Bettencourt vdiq në vitin 2017.
Kompania më e madhe e kozmetikës në botë, e cila zotëron disa marka, nga Lancome te Maybelline, bëri më shumë se 38 miliardë euro në shitje në vitin 2022, sipas raporteve të kompanisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
