Gjërat mund të jenë fantastike kur je pjesë e një skuadre. Por mesa duket kjo nuk aplikohet në skuadrën Facebook.
Gjigandi i rrjeteve sociale është tronditur nga një numër i madhe profilesh të larguara, dy prej të cilëve ishin dhe bashkëthemeluesit e Instagram Kevin Systrom dhe Mike Krieger. Dyshja dha dorëheqjen muajin e kaluar, pas thashethemeve për grindje me ish-mikun Mark Zuckerberg.
Lexoni: Dy themeluesit e Instagram japin dorëheqjen. Çfarë do të ndodhë me aplikacionin?
Gjatë samitit Wired 25 në San Francisko, dalja e tij e parë në publik pas dorëheqjes së papritur, Systrom zbuloi disa sekrete jo shumë të këndshme për shtëpinë e Zuckerberg.
“Askush nuk largohet nga puna kur gjërat janë të mrekullueshme,” tha Systrom. “Sa herë që largohesh nga diku, është e trishtueshme… sigurisht, dhe tension ka patur.”
Systrom refuzoi të fliste më shumë për këto tensione, duke këmbëngulur se nuk ka patur hatërmbetje në lidhje me largimin e tij të papritur.
“Jeta është plot me kapituj të rinj,” tha ai.
Lajme të tjera tregojnë se ai ishte i pakënaqur me vendimet që integronin Instagram në ekosistemin e Facebook, për shembull, mos përmendja e aplikacionit kur përdoruesit ndanin një foto në Facebook.
Systrom ka punuar për Zuckerberg që prej vitit 2012, kur Facebook bleu Instagram për një miliard dollarë.
Si një baba i ri, Sysrom foli shumë për bullizmin që këto platforma promovojnë dhe kjo mund të reduktohet sipas tij, duke i dhënë më shumë kontroll përdoruesit në seksionin e komenteve në Instagram.
Systrom ka në plan të fluturojë përsëri në botën e teknologjisë dhe t’i përgjigjet rrjedhës së pafund të pyetjeve që ai thotë se po merr nga kapitalistët sipërmarrës.
“Unë jam 34 vjeç,” i kujtoi Systrom audiencës. “Unë kam edhe disa Instagram të tjerë brenda meje.”
/Recode
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
