Papa Françesku paralajmëroi të shtunën për rrezikun e reduktimit të marrëdhënieve njerëzore në “algoritme të thjeshta”. Ai u kërkoi ligjvënësve që të jenë vigjilentë ndaj propagandës “partiake” dhe përçarjes në mediat sociale.
Në një fjalim për pjesëmarrësit e Rrjetit Ndërkombëtar të Ligjvënësve Katolikë, të cilët po mbanin konferencën e tyre vjetore në zonën e Romës, Papa Françesku vuri në dukje se, rrjetet e mediave sociale mund të jenë një mënyrë për t’i ndihmuar njerëzit të kuptojnë se janë pjesë e diçkaje më të madhe se vetja.
“Në të vërtetë, ky është qëllimi i deklaruar i shumë platformave të mediave sociale, dhe sigurisht që shumë të mira ndodhin përmes këtyre mjeteve të komunikimit,”- tha Françesku.
Megjithatë,- tha Papa-, vigjilenca ishte e nevojshme, “pasi fatkeqësisht shumë prirje çnjerëzore që rezultojnë nga teknokracia gjenden në këto media”.
Ai përmendi përhapjen e qëllimshme të informacionit të rremë për njerëzit, lajmet e rreme dhe nxitjen e urrejtjes dhe të ndarjes. Françesku më tej dënoi atë që ai e quajti “propagandë partizane dhe reduktimin e marrëdhënieve njerëzore në algoritme të thjeshta”.
Një tjetër rrezik në rrjetet e mediave sociale është “një ndjenjë e rreme përkatësie, veçanërisht mes të rinjve, që mund të çojë në izolim dhe vetmi,”- tha ai.
Si një ilaç, Françesku mbrojti një “kulturë të takimit autentik, i cili përfshin një thirrje radikale për të respektuar dhe dëgjuar njëri-tjetrin, duke përfshirë ata me të cilët edhe mund të mos pajtohemi sa dhe si duhet”. Apnews
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
