Prodhuesit e energjisë diellore kërkojnë që të kenë të siguruar shitjen e energjisë që prodhojnë, duke kërkuar që në raste tepricash dhe pamundësisë për shitje, energjia të blihet nga OSHEE.
Në një takim të zhvilluar së fundi me palët, Ministrja e Infrastrukturës dhe Energjisë Belinda Balluku, theksoi se grupi i punës së ministri duhet të nisë hartimin e udhëzimit.
Ky udhëzim pritet të përcaktojë rrugën se si do të bëhet blerja e energjisë nga panelet diellore që prodhojnë energji të rinovueshme.
Lexo: Krijohet ora e parë e pajisur me panel diellor
Mangësitë në dokumentat ligjorë dhe pengesat që kanë hasur prodhuesit e energjisë, kanë bërë që në ministri të ketë ankesa të herëpashershme nga vetë prodhuesit.
Por, ndërsa ekspertët e Ministrisë së Energjisë pritet të plotësojnë dokumentat që tregu të funksionojë, Operatori i Shpërndarjes së Energjisë nuk duket i gatshëm të blejë energjinë elektrike tek prodhuesit e energjisë diellore. Një blerje sipas kërkesave të klientit dhe jo nevojave të kompanisë OSHEE, rrezikon të rrisë kostot sipas kësaj të fundit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
