A jeni ju një nga ata punonjësit e pakënaqur?
Tipi i personit i cili, edhe pse ka disa suksese të dukshme në jetë, një karrierë të gjatë, siguri financiare, respektin e kolegëve, thjesht nuk ndihet sikur ka bërë mjaftueshëm?
A jeni gjithmonë i shqetësuar që mund të realizoni më shumë?
Nëse është kështu, ju ndoshta ndihenii i pavlerë në krahasim me konkurrentët tuaj të cilët kënaqen më shpejt, por sipas një studimi të ri nga Stanford, e gjithë ambicia juaj ka një aspekt pozitiv.
Pra të ndihesh jo i suksesshëm rezulton të jetë një shenjë shumë e mirë që ju jeni duke kaluar, për të arritur gjëra edhe më të mëdha.
Pse të ndihesh jo i suksesshëm nuk është gjithmonë diçka e keqe?
Për këtë kërkim, profesori i marketingut në Stanford Szu-chi Huang dhe kolegët e tij kërkuan që 136 pjesëmarrës të luanin një lojë për paratë e cila përfshinte memorizimin dhe më pas kujtimin e ngjyrave. Ata vëzhguan jo vetëm performancën e lojtarëve por edhe mënyrën se si ata e gjykuan vështirësinë e garës dhe sa të sigurtë ishin për suksesin e tyre në lojë.
Ata zbuluan se vetëkënaqësia, e njohur si ndjenja e suksesit dha më vonë dënimin për pjesëmarrësit në lojë. Një studim pasardhës më i madh i cili përfshinte një libër të dhuruar për bamirësi konfirmoi efektin. Nëse ju ndiheni sikur ia keni dalë, ju jeni më shumë të prirur të vuani një rënie të motivimit dhe të humbisni garën në kilometrin e fundit.
“Njerëzit të cilët drejtojnë, nënvlerësojnë përpjekjet që ata kanë nevojë për të investuar, kështu që ata pushojnë para kohe”, është një nga komentet e Huang, për të përmbledhur gjetjet.
Ose, për ta thënë edhe më troç: pakënaqësia nuk është aspak e këndshme, por ajo iu mban të uritur dhe iu shtyn drejt suksesit. Ndjenja e të qenit jo i suksesshëm ka vlerën e saj.
Si të qëndroni të uritur pa e torturuar veten?
Të torturosh veten vazhdimisht për të metat e tua dhe të krahasohesh me të tjerët nuk është një mënyrë e mirë jetese. Pra si mund t’i shfrytëzoni këto “dobësi”për të marrë më të mirën nga vetja?
Çelësi, sipas përshkrimit të Stanford në kërkimin e bërë, është të mos e mbani vështrimin tuaj karshi njerëzve të tjerë (nëse e bëni këtë, motivimi juaj do të bjerë sapo të bëni hapin e parë), por në vend të kësaj fokusohuni në standardet tuaja të larta duke e pyetur veten nëse po performoni me të njëjtin dedikim dhe përpjekje si më parë.
Në këtë mënyrë, ju mund të shmangni vetëkënaqësinë dhe gjithashtu mjerimin e vazhdueshëm që ndjeni.
/Artikulli u publikua më parë në faqen 48 të numrit 13 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 13 të sa
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
