Nuk është e nevojshme të bëheni menaxher, për tu rritur në karrierë

Nuk është e nevojshme të bëheni menaxherë për t’u rritur në karrierë


Në shumë kompani, të ngjisësh shkallët e  karrierës, zakonisht nënkupton të ngrihesh në detyrë në nivel menaxherial. Megjithatë, ka shumë punonjës të talentuar, të cilët nuk duan të menaxhojnë të tjerët apo të mbajnë përgjegjësi për punën e skuadrës. Për ata, rritja në detyrë si lider mund të nënkuptojë distancimin nga ajo që i bën vërtetë të lumtur.

Një lëvizje e tillë në kompani, mund t’i mërzisë punonjësit nëse personi që rritet në detyrë nuk është i kënaqur ose nuk ka aftësi menaxheriale. Fundja, menaxherët e këqinj janë zakonisht arsyeja që punonjësit kanë performancë të ulët ose largohen nga vendi i punës. Sidoqoftë, edhe punonjësit të cilët nuk duan të bëhen menaxherë synojnë të rriten në aspektin profesional.

Çfarë mund të bëjnë kompanitë për t’i mbajtur “jo-menaxherët” e talentuar

“Kompania duhet të fillojë të mendojë një mënyrë alternative për rritjet në detyrë”, thotë Johnny Taylor, president dhe CEO i Shoqërisë për Menaxhimin e Burimeve Njerëzore.

“Ka dy mënyra për t’u rritur në detyrë, njëra është fitimi i kontrollit dhe tjetra është kompensimi. Punonjësit që nuk duan të jenë në krye, duan të shohin një rrugëdalje të re”, thotë Taylor.

Punëdhënësit nevojitet të fokusohen në mënyrat sesi punonjësit e tyre mund të zhvillojnë aftësitë e tyre dhe të rriten vazhdimisht, përtej fitimit të parave. Kompanitë që nuk ofrojnë mundësi rritjeje për stafin, rrezikojnë të humbasin disa prej talenteve të tyre më të mira, thotë Danny Nelms, presidenti i Work Institute, i cili studion angazhimin dhe mbajtjen e punonjësve në vendin e punës. Nëse nuk konsideroheni si kompani që investon tek punonjësit duke u ofruar mundësi rritjeje, ju nuk do të tërhiqni njerëzit për të cilët keni nevojë”, thotë Nelms.

Lexo këtu: Faktorët motivues që punonjësit kërkojnë për karrierën e tyre

Kushdo që nuk do të promovohet si menaxher duhet të pyesë drejtpërdrejt punëdhënësin, “A ofroni rrugë alternative për të fituar më shumë para dhe prestigj”?, këshillon Marcus Buckingham, drejtori i kërkimeve të njerëzve dhe performancës së tyre më Institutin e Kerkimeve, ADP dhe bashkëautor i “9 gënjeshtrat rreth punës”.

“Kjo është një nga pyetjet kryesore që duhet bërë për të arritur efektivitet në organizim, thotë Buckingham.

Rrugë alternative të suksesit në disa kompani, por jo në disa të tjera

“Në një farë mase, këto rrugë ekzistojnë në disa industri, të paktën për më të talentuarit e stafit, që mund të performojnë më mirë se shefi i tyre”, thekson Taylor.

Për shembull, një kirurg me famë botërore mund të fitojë më shumë sesa shefi i departamentit apo drejtori i spitalit. E njëjta gjë vlen edhe për trajnerët e yjeve të futbollit, të cilët mund të fitojnë më shumë sesa një rektor universiteti. Ka personalitete të medias, pagesat e të cilëve renditen në të njëjtën listë me drejtorët e tyre.

Industria e IT ka krijuar mundësi zhvillimi për inxhinierët, të cilët mund të paguhen shumë pa qenë nevoja të jenë drejtpërdrejt në krye të ekipit.

“Por, në profesione të ndryshme, si infermieria, kjo nuk ndodh shpesh. Zakonisht, që një infermier/e të rritet në detyrë, duhet të kalojë nga infermiere në një pozicion mbikëqyrës në spital. Për t’u rritur, duhet të ushtrosh më pak profesionin e infermierit”, thotë Buckingham.

Work Institute ka punuar me dy organizata të kujdesit për shëndetin në Lindjen e Mesme, për t’i ndihmuar ata në zvogëlimin e numrit të infermierëve. “Një nga mënyrat e suksesshme ishte të krijohen rrugë të reja për rritjet në karrierë të infermierëve”, thotë Nelms. Kjo mënyrë përfshinte ndihmë për të fituar grada të reja, programe rezidente dhe pagesa më të larta per nivele të ndryshme të arritjeve.

CNN

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0