Për herë të parë në një finale të kampionatit europian, kombëtarja shqiptare e futbollit do të luajë me një fanellë të personalizuar, e cila është dizenjuar nga një kompani shqiptare. Fanella është një ndërthurje mes traditave, me shqiponjën si simbol dhe modernes, pasi dizajni i saj është unik. Në këtë fanellë janë ndërthurur 3 elementët kryesorë. Elementë të folklorit, të frymës bashkëkohore, si dhe elementë të kombëtares sonë.
Federata Shqiptare e Futbollit vendosi që t’ia besojë për 5 vitet e ardhshme këtë detyrë kompanisë italiane “Macron”. Ajo pjesën ballore ka shqiponjën dy krenare të paraqitur në një formë më digjitale. Bëhet fjalë për një dizajn krejtësisht të ri dhe, ashtu siç pritej, me një shqiponjë të vendosur në mes në të tria fanellat që mbërrijnë në tri ngjyra, ajo tradicionale kuqezi, e dyta që është e bardhë dhe fanella e tretë që është e zezë, por me nuanca më të theksuara të shqiponjës në pjesën e përparme.
/Artikulli u publikua më parë në faqen 9 të numrit 10 të revistës Business Magazine Albania. Ju mund të Shfletoni Këtu nr. 10 të saj.
Gjithashtu në brendësi, fanella ka një shkrim të veçantë në gjuhën shqipe në pjesën e pasme të jakës, frazёn nga poezia e poetit të njohur rilindas të Shqipërisë, Naim Frashëri “TI SHQIPЁRI MЁ JEP NDER, që do të jetë frymëzues për të gjithë personat që do ta mbajnë veshur atë.
Fanellat janë dizenjuar nga kompani shqiptare dhe prodhuar nga “Macron”.
Fanella e Kombëtares Shqiptare është shpallur fanella më e bukur e Euro 2016, në një sondazh të organizuar nga portali i njohur i gjerman, ‘Sport1’. Në sondazhin e ‘Sport1’, fanella e Kombëtares Shqiptare ka marrë 26 mijë vota, duke u renditur në vendin e parë, duke lënë pas Turqinë me 24 mijë vota, dhe Gjermaninë me 4,600 vota. Në vendin e katërt është renditur Franca, dhe në të pestin Belgjika.
/Artikulli u publikua më parë në faqen 9 të numrit 10 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 10 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
