Një trajnim intensiv 3-javor mbi artin e programimit dhe shkencat kompjuterike që zhvillohet nga data 19 Qershor deri në 7 Korrik 2017. Ju do të mund të mësoni si të mendoni në mënyrë algoritmike dhe si të ndërtoni produkte teknologjike. Çdo ditë do të përfshijë një leksion interaktiv e më pas punë individuale dhe në grup, ku së bashku me mentorët tanë do të zgjidhni probleme nga bota reale.
Cilët janë mentorët?
Ekipi ynë përbëhet nga liderë të rinj shqiptar në fushën e teknologjise, nga Silicon Valleyn, Cambridge, Europë dhe më gjerë.
Kush mund të marrë pjesë?
Çdo i/e apasionuar pas teknologjisë dhe programimit aktualisht në gjimnaz.
Unë nuk di programim. A mund të marr pjesë?
Po! Si pjesë e procesit të aplikimit, të gjithë studentët do t’i nënshtrohen një faze parapërgatitore online, ku do të marrin bazat e programimit.
Unë di pak programim. A është ky kurs për mua?
Po! Nëpërmjet këtij kursi ju do të çoni njohuritë tuaja mbi shkencat kompjuterike në një nivel tjetër, si edhe do të krijoni kontakte të vlefshme me mentorët tanë.
Si mund të aplikoj?
Plotësoni formularin online. Faza e parë e aplikimeve mbyllet në 28 Prill, 2017.
Kur mund të aplikoj?
Vendet në bootcamp janë shumë të limituara dhe pritet një numër i madh aplikantësh. Ju inkurajojmë të aplikoni sa më shpejt që të mundeni!
Faza e parë e aplikimeve mbyllet në 28 Prill, 2017
Çfarë kualifikimesh duhet të kem?
Duhet të jeni të apasionuar pas fushës së inovacionit dhe shumë të motivuar për të mësuar.
Sa kohë duhet t’i dedikoj programit?
Seancat do të zgjasin rreth 3 orë në ditë (në mëngjes, nga e hëna deri të premten, për 3 javë). Gjithashtu do të duhet të kushtoni kohë jashtë këtij orari për të përsëritur materialin si edhe për leximet shtesë.
Çfarë gjuhësh do përdoren?
Python, JavaScript, SQL, HTML, CSS.
Sa kushton?
Të gjithë gjimnazistët që do përzgjidhen do të përfitojnë bursa të plota.
Çfarë do mësojmë?
-
- Programim në Python dhe Javascript
- Ndërtim faqesh dinamike me HTML+CSS
- Përdorimi i databazave SQL
- Si funksionon interneti dhe baza mbi networking
- Machine Learning dhe Artificial Intelligence
Për të mësuar më shumë klikoni Këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
