Gjithmonë flasim me sa hapa galopantë lëviz teknologjia dhe me ardhjen e një muaji të ri, kanë ndodhur kaq shumë ndryshime në botën e teknologjisë, duke filluar nga CEO i ri i Salesforce e deri tek skepticizmi i Wall Street për CEO-n e ri të Twitter.
1. Bret Taylor është emëruar co-CEO i Salesforce
Taylor, shefi operativ i kompanisë, është emëruar si co-CEO i kompanisë dhe nënkryetar i bordit të saj. Ai do të shërbejë së bashku me shefin aktual ekzekutiv të kompanisë, Marc Benioff.
Kjo ka qenë një javë e rëndësishme për Bret Taylor. Të hënën, ai u emërua kryetar i bordit të Twitter, një pozicion për të cilin ra dakord pas largimit të Jack Dorsey.
Taylor ka krijuar reputacionin e tij në industri; fillimisht me punën e tij tek Google dhe Facebook, dhe së fundmi për udhëheqjen e tij në Salesforce, ku prej kohësh ai konsiderohet si pasardhësi i mundshëm i Benioff.
2. Meta është urdhëruar të shesë Giphy. Meta, dikur Facebook, bleu bazën e të dhënave Giphy për 400 milionë dollarë në maj të vitit 2020. Tani, mbikëqyrësi kryesor antitrust i Mbretërisë së Bashkuar ka vendosur që marrëveshja mund të dëmtojë përdoruesit e mediave sociale duke marrë kështu vendimin që Meta duhet të shesë Giphy.
3. Wall Street duket se është skeptik me CEO-n e ri të Twitter, Parag Agrawal. Ish-CTO dhe veterani i Twitter, Agrawal mori në dorë frenat e kompanisë, por kritikët e Wall Street mendojnë se ai nuk është personi i duhur për të sjellë ndryshimin për të cilin kompania ka nevojë tani. Twitter tanimë ka objektiva mjaft ambicioze mbi shitjet dhe përdoruesit e platformës dhe kritikët e Wall Street nuk janë të bindur se emërimi i Agrawal është lëvizja e duhur për ta arritur këtë.
Lexoni: Blerja e Giphy nga Facebook, Autoriteti i Konkurencës nis hetimin
4. Elizabeth Holmes thotë se ish i dashuri i saj dhe ish-COO i Theranos ka abuzuar fizikisht dhe emocionalisht me të. Gjatë seancës së saj gjyqësore, themeluesja e Theranos dëshmoi se Sunny Balwani kishte kontroll të plotë mbi jetën e saj duke filluar nga ajo çka duhet të hante e deri tek oraret e saj dhe kur takonte familjen.
5. Kreu i kriptove të kompanisë Meta po largohet nga kjo kompani. David Marcus ka drejtuar dy projekte ambicioze të kriptos në Meta të cilat dështuan pas shqyrtimit nga ligjvënësit dhe rregullatorët. Ai do të largohet nga kompania deri në fund të vitit.
6. Punonjësit e Google që zhvendosen nga Silicon Valley dhe New York City do të përballen me ulje page. Punonjësit mund të kërkojnë të ndryshojnë zyrat ose të punojnë në distancë, por me një kusht: ata që lëvizin diku me kosto më të ulët jetese do të kenë një ulje page deri në 25%.
7. Twitter po ndalon përdoruesit të postojnë foto ose video të njerëzve pa lejen e tyre. Nëse subjekti raporton se dikush ka postuar foto ose video pa lejen e tyre, Twitter thotë se do ta heqë atë postim.
8. Elon Musk ka paralajmëruar se SpaceX përballet me “rrezikun e falimentimit”. CEO i SpaceX u tha punonjësve në një njoftim se kompania është në rrezik të një krize falimentimi nëse nuk do të bëjë progres me punën e saj me motorrët e Starship.
9. Një ngastër toke virtuale sapo u shit për 4.3 milionë dollarë në metaverse. Republic Realm bleu tokë në The Sandbox metaverse, duke treguar kështu interesin në rritje për pronat në metaverse.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
