Nënshkruhet marrëveshja për rritjen e pjesëmarrjes së gruas në tregun e punës dhe kapitalit


Ministrja e Financave dhe Ekonomisë, znj. Anila Denaj nënshkroi në Vjenë, marrëveshjen me Bankën Botërore për programin e barazisë gjinore dhe aksesin e grave në ekonomi. Kjo marrëveshje ofron një shumë prej 9,1 Milion Eur në funksion të angazhimit të  politikave për zhvillim për rritjen e pjesëmarrjes së gruas në tregun e punës dhe kapitalit.

Programi në tërësinë e tij është rezultat i bashkëpunimit të Qeverisë Shqiptare me Bankën Botërore dhe Agjencinë Franceze për Zhvillim.

“Nëpërmjet kësaj marrëveshje synojmë intensifikimin e politikëbërjes dhe instrumentave për të mundësuar aksesin e gruas në tregun e punës dhe në tregjet financiare, si një forcë shumë e rëndësishme për të zhvilluar ekonominë, për të zhvilluar sipërmarrjen dhe për të rritur Produktin e Brendshëm Bruto për frymë”, u shpreh Ministrja Denaj pas nënshkrimit të Marrëveshjes me BB.

Banka Botërore vlerëson se Shqipëria humb çdo vit 20 për qind të PBB-së së saj për frymë për shkak të shkallës së ulët të pjesëmarrjes së femrave në forcat e punës, mbipërfaqësimit të grave në sektorë të keqpaguar dhe hendekun e pagave mesatare për gratë dhe burrat në pozicione të ngjashme.

Ministrja Denaj theksoi se kjo pabarazi në tregun e punës është rezultat i zhvillimeve shumëvjeçare dhe trashëgohet edhe në vende të tjera, e jo vetëm në vende si Shqipëria. Megjithatë, sipas znj. Denaj, është shumë e rëndësishme që politika të trajtojë si prioritet barazinë gjinore, e sidomos barazinë gjinore në tregun e punës, në mënyrë për të mundësuar të ardhura të barabarta pavarësisht përkatësisë gjinore.

Lexo: Shqipëria synon të përmirësojë mundësitë e femrave në sipërmarrje

“Me mbështetjen e Bankës Botërore, Shqipëria ka ecur përpara në shumë reforma dhe besojmë se kjo do të jetë një reformë e suksesshme. E kemi nisur mbarë dhe besojmë që kemi akoma shumë për të bërë, por politikëbërja në këtë drejtim është kyç për një sukses të gjithë reformës në vijim”, tha Ministrja.

Në bazë të marrëveshjes, objektivat për zhvillim të programit synojnë mbështetjen e përpjekjeve të qeverisë shqiptare për të përmirësuar kuadrin e politikave për akses të barabartë gjinor në mundësitë ekonomike duke u përqendruar te: rritja e aksesit të grave në pasuri; vendosja e rregullave të barabarta të lojës për rritjen e mundësive për gratë në tregun e punës; dhe forcimi i rregullave institutionale për një politikëbërje të informuar gjinore. Kjo marrëveshje do të mobilizojë 50 milion euro financim nga Agjencia Franceze e Zhvillimit (AFD) dhe një grant teknik nga AFD për të mbështetur zbatimin e programit.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale