Përdoruesit po raportojnë se kanë parë një buton të dedikuar të WhatsApp në aplikacionin kryesor të Facebook në pajisjet Android. Kur klikohet, butoni vepron si një shortcut, duke hapur WhatsApp pa nevojën për t’u larguar nga aplikacioni Facebook.
Lexoni: Komentet në Facebook së shpejti mund të postohen me sfond me ngjyrë
Më poshtë është një imazh për t’iu paraqitur sesi duket ky funksionalitet:
Në rast se po pyesnit, butoni i dedikuar mund të gjendet në zonën e menusë. Nëse ndodh që të jesh një nga përdoruesit në grupin e kontrollit, duhet të shfaqet në krye, nën emrin tënd. Por jo të gjithë do të mund ta shohin këtë buton akoma.
Shortcut-i aktualisht po testohet në versionin Android të aplikacionit, por shumë shpejt mund të jetë në dispozicion edhe për disa përdorues iOS.
Sipas Arvind Iyer, i cili na informoi për këtë zhvillim, butoni WhatsApp u shfaq pasi ai ndryshoi gjuhën e Facebook në danisht. Kjo nuk është aq e çuditshme për shkak se kompania ka zgjedhur edhe më parë Danimarkën për zhvillime të tjera të kufizuara.
Kjo nuk është hera e parë që Facebook ka eksperimentuar me integrimin e aplikacioneve të saj në aplikacionin kryesor.
Në fakt, kompania ka testuar një shortcut të ngjashëm për Instagram-in më parë.
Në vitin 2015, gjiganti i medias sociale eksperimentoi me shtimin e një butoni për dërgimin e “WhatsApp” në aplikacionin Facebook, kështu që përdoruesit mund të ndajnë fotot dhe postimet e tyre me kontaktet. Por kjo nuk u realizua.
Lexoni: WhatsApp më në fund ju lejon të dërgoni çdo lloj dokumenti
Ashtu si me çdo test tjetër, nuk është thënë se kur shortcut-i i WhatsApp do të jetë në dispozicion për të gjithë përdoruesit e Facebook.
burimi: TNT
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
