"Mjedisi i Qytetarëve", portali më i ri dedikuar mjedisit - Business Magazine Albania

“Mjedisi i Qytetarëve”, portali më i ri dedikuar mjedisit


Mjedisi i Qytetarëve është një portal në shërbim të çdo qytetari apo punonjësi të administratës publike në Bashkinë Vlorë, por edhe me gjerë, për të shpërndarë informacion të shpejtë mjedisor ndërinstitucional si dhe për të garantuar të drejtën për të qënë pjesë e proçesit të njoftimit dhe konsultimit publik për projektet me ndikim në mjedis, projekt-dokumentat dhe politikave me interes të lartë publik në mënyrë që të respektohet e drejta për pjesëmarrjen e publikut në politikë-bërje dhe vendimmarrje mjedisore në nivel vendor.

Ky portal dixhital do të shërbejë si një dritare komunikimi për marrje informacioni, dhënie mendimesh, raportime dhe diskutime nëpërmjet mekanizmave shtrëngues ligjor në funksion të publikut me qëllim mbrojtjen dhe parandalimin e dëmtimit të mjedisit. Informacioni do të përditësohet në kuadër të marrëveshjeve të bashkëpunimit me institucionet vendore të mjedisit, DRM, ISHMPU, Bashkia Vlorë.

Projekti financohet nga Bashkimi Europian në kuadër të Programit ACHIEVE të Qendrës Rajonale të Mjedisit (REC) Shqipëri dhe zbatohet nga Qendra për Kërkim Bashkëpunim dhe Zhvillim-CRCD, në qytetin e Vlorës.

Informacioni do të përditësohet në kuadër të marrëveshjeve të bashkëpunimit me institucionet vendore të mjedisit, DRM, ISHMPU, Bashkia Vlorë. Projekti synon të nxisë dhe ndërgjegjësojë autoritetet vendore në Vlorë, për zbatueshmërinë e detyrimit ligjor për dhënien e informacionit si dhe qasjen e publikut në vendimarrjet mjedisore nëpermjet proçesit të informimit dhe konsultimit si dhe advokimi në nivel institucional rast pas rasti për çështje mjediore që përbëjnë kundravajtje administrative dhe vepra penale kundër mjedisit.

Takimet dhe tryezat e diskutimit mes aktorëve do të synojnë një bashkërendim mes institucioneve vendore (ARM, ISHMPU dhe Bashkia Vlorë) për të koordinuar të gjithë punën së pari në lidhje me informacionin mjedisor për t’u transmetuar tek publiku dhe vetë mes tyre si lejet e tipit C, raporte inspektimi e monitorimi, njoftimet për konsultimet me publikun për vepra të infrastrukturës së rilindjes urbane dhe jo vetëm.

Aksesoni portalin Mjedisi i Qytetarëve në linkun: http://mjedisi.crcd.org.al/

Burimi: mjedisisot.info

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0