Miliarderi që dëshiron të vdesë i varfër, dhuroi të gjithë pasurinë e tij

Miliarderi që dëshiron të vdesë i varfër, dhuroi të gjithë pasurinë e tij

Miliarderi

Charles “Chuck” Feeney, 89 vjeç, miliarderi dhe bashkëthemeluesi i gjigandit me pakicë Duty Free Shoppers, i ka dhënë për bamirësi të gjitha paratë e tij. Atij nuk i ka mbetur asgjë dhe nuk mund të ishte më i lumtur se kaq.

Feeney e themeloi Duty Free Shoppers me Robert Miller në vitin 1960 dhe grumbulloi miliarda para, ndërkohë që jetonte duke kursyer jashtëzakonisht shumë, në një apartament modest në San Francisco. Në një artikull të Forbes, Feeney cilësohet si James Bond i Filantropisë, për shkak të bamirësive të tij sekrete.

“Kemi mësuar shumë. Do të donim të bënim gjërat ndryshe, por jam i kënaqur. Më vjen mirë që e plotësova këtë qëllim timin teksa jam gjallë. Falenderoj të gjithë ata që iu bashkuan udhëtimin tim. Dhe për ata që më pyesin për filozofinë time ‘Jep sa je gjallë’: Provojeni, do t’ju pëlqejë.” – tha ai për Forbes.

Gjatë katër dekadave të fundit, Feeney ka dhuruar më shumë se 8 miliardë dollarë për bamirësi, universitete dhe fondacione në të gjithë botën përmes fondacionit të tij, Filantropitë e Atlantikut. Shumica e bamirësive janë dhënë në mënyrë anonime.

Bujaria dhe investimet e tij të shumta ndikuan Bill Gates dhe Warren Buffett për të filluar Giving Pledge në vitin 2010 – një fushatë që ka për qëllim të bindë njerëzit më të pasur për të dhënë të paktën gjysmën e pasurisë para vdekjes.

Feeney dhuroi shuma të majme parash, si për shembull 270 milionë dollarë për modernizimin e kujdesit shëndetësor në Vietnam, 3.7 miliardë shkuan për arsimin, më shumë se 870 milionë për të drejtat e njeriut dhe ndryshimet shoqërore, 62 milionë për grante për heqjen e dënimin me vdekje në SHBA, 76 milionë për fushatat bazë për Obamacare (ligj i miratuar që i siguron të gjithë amerikanëve të kenë akses te sigurimet shëndetësore), 700 milionë për shëndetin, 176 milionë për Institutit Global të Shëndetit të Trurit në Universitetin e Kalifornisë etj.

Më 14 shtator të këtij viti, Feeney përfundoi misionin e tij prej katër dekadash dhe nënshkroi dokumentet për të mbyllur Filantropitë e Atlantikut.

Forbes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0