Hamza Rama barnatori e bamirësi më i njohur në Lezhë

Hamza Rama barnatori e bamirësi më i njohur në Lezhë


Hamza Rama, barnatori e bamirësi më i njohur në Lezhë, hapi farmacinë e parë në ato vise në vitin 1930. Ai u shërbeu njerëzve e në veçanti të varfërve deri në frymën e fundit.

Profesionist, komunikues i mirë dhe i ndershëm. Janë këto cilësi që e bëjnë Hamza Ramën një humanist. Djali i vetëm i familjes u lind në vitin 1903 në Shkodër në familjen e ardhur mbi 20 vite më para nga Shpuza e Malit të Zi.

Atij iu dha çmimi Pionieri i Filantropisë (pas vdekjes) në ceremoninë e ndarjes së çmimeve të zhvilluar nga “Partnerë Shqipëri”. Motivacioni ishte, për kontributin dhe ndihmën bujare në mbështetje të individëve, grupeve dhe familjeve në nevojë të qytetit dhe fshatrave të Lezhës.

Lexo: Shpallen fituesit e Çmimeve të Filantropisë 2019

Në festat e Bajramit a Natës së Kadrit Hamza Rama shpërndante në lagjen Kiras ndihma për të gjithë të varfrit. Diplomën për të ushtruar profesionin e farmacistit e mori në Bari të Italisë. Nga atje solli me vete libra dhe literaturë farmaceutike.

Me farmacinë e ngritur në ato vise ku nuk kishte farmaci, sipas lejes së dhënë nga Ministria e Financave, ai u shërbeu pa pagesë në fillim të gjithëve, e më vonë atyre në nevojë. Një kohë me shumë sëmundje e varfëri, farmacia ishte plot. Përgatiste vetë shumë ilaçe, ndaj ishte edhe mjek, edhe farmacist.

Çdo të premte Hamzai dilte para Bashkisë dhe u jepte para për bukën e fëmijëve njerëzve të pamundur. Qindra familjet që kishin emrin e shënuar për lekë borxh në dy librat e tij, nuk u shqetësuan asnjëherë nga Hamzai. Baba i 8 fëmijëve dhe vetëm me rrogën e tij edhe ai pati periudha të vështira. Por, edhe atëherë, ai mbante lekë për të varfrit.

Lexo: Hapet konkursi për Çmimin e Filantropisë 2019

Filantrop e me vizion, ai është një nga katër themeluesit e klubit të parë sportiv në Shqipëri “Bardhyli”, të cilin e mbështeti financiarisht.

Edhe kur doli në pension, Hamzai dilte në punë çdo ditë pa pagesë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0