Meta lanson të enjten aplikacionin që do të rivalizojë Twitter-in -

Meta lanson të enjten aplikacionin që do të rivalizojë Twitter-in

Meta lanson të enjten aplikacionin që do të rivalizojë Twitter-in
~2 minuta lexim

Kompania mëmë e Facebook, Meta, po lanson aplikacionin e saj të ri për ta rivalizuar Twitterin dhe thotë se do të jetë i diponueshëm të enjten.Aplikacioni, i cili quhet Threads dhe është i disponueshëm për t’u shkarkuar paraprakisht në Apple App Store, do të lidhet me Instagramin.

Lexo edhe: Shifrat janë “tronditëse” – ja sa “vite të jetës” shpenzon një përdorues tipik në media sociale

Disa imazhe tregojnë një panel kontrolli në aplikacionin ku  duket i ngjashëm me Twitter-in. Meta e përshkruan Threads-in si një “aplikacion bisedash të bazuar në tekst”.

“Threads është vendi ku komunitetet takohen për të diskutuar gjithçka, që nga temat që i interesojnë sot deri te ato që do të jenë në trend nesër”, thotë përshkrimi në App Store.

Threads gjithashtu do të mbledhë të dhëna nga telefoni juaj, duke përfshirë të dhënat e vendndodhjes, blerjet dhe historinë e kërkimit.

Disa aplikacione që kanë një ngjashmëri të madhe me Twitter-in kanë dalë në vitet e fundit – siç është Truth Social e Donald Trump dhe Mastodon-i. Një aplikacion tjetër i ngjashëm, Bluesky, pretendon se ka parë trafik të “rekord” pas veprimit të zotit Musk për të kufizuar përdorimin gjatë fundjavës.

Megjithatë, Threads mund të jetë kërcënimi më i madh që Twitter-i ka përballur deri më sot.

Lansimi i këtij aplikacioni shënon edhe një veprim tjetër rivaliteti midis shefit të Meta-s, Mark Zuckerberg dhe pronarit të Twitter, Elon Musk.

Muajin e kaluar, dyshja ranë dakord për një përleshje fizike, megjithëse ende mbetet e paqartë nëse dueli do të zhvillohet me të vërtetë.

bbc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Suksesi është përbërja e vogël e përpjekjeve të përsëritura çdo ditë.”
— Robert Collier
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0