Shumica e njerëzve e kuptojnë se ushqimi i shpejtë nuk është ushqimi më i shëndetshëmm .
Megjithatë, ata presin që të jetë i shpejtë në shërbim.
Sepse, ju e dini, se kjo është arsyeja pse quhet “fast”.
Shumë zinxhirë si përshembull McDonald’s ka luftuar me shpërndarjen e ngadaltë të ushqimit në vitet e fundit, për shkak se ka shumë artikuj në menu. Por zinxhiri më i madh i restoranteve në botë, i cili i shërben rreth 68 milionë konsumatorëve çdo ditë në 119 vende, po përpiqet t’a ndryshojë këtë.
Për disa muaj, McDonald’s ka testuar atë që quhet “just-for-you experience” (përvojë-vetëm-për-ju). Në 200 restorante në SHBA (dhe më shumë se 2.000 në të gjithë globin), konsumatorët janë në gjendje që të porosisin direkt nga një kioskë vetëshërbimi dhe më pas një punonjës do t’ju sjellë ushqimin direkt në tavolinë.
Të enjten, McDonalds njoftoi se do të zgjerojë shërbimin për të gjithë 14.000 restorantet e saj amerikane.
The Wall Street Journal raporton:
Shefi ekzekutiv i McDonald Steve Easterbrook, duke folur në një McDonald’s në lagjen Tribeca në New York të enjten, tha se kompania ka pritur gjatë që konsumatorët t’i përshtaten modelit të saj të biznesit, pra të porositjes në sportel dhe pastaj të presin për të marrë ushqimin e tyre. Por, ai tha: “Ne do të përshtasim biznesit tonë për klientët.”
“Si një baba me dy fëmijë të vegjël, unë jam konsumator i çdo zinxhiri të fast-foodeve . Gruaja ime dhe unë përpiqemi të shmangim McDonald’s kur është e mundur, por si shumë prindër të tjerë përfundojmë duke shkuar atje. Unë e kam përdorur kioskën e vetëshërbimit dhe më pëlqen shumë: Ato janë të lehtë për t’u përdorur, ulin presionin e të bërit të një zgjedhje me klientë të paduruar pas teje dhe bëjnë një ndryshim të madh në kohën e dorëzimit.”
Burimi: inc.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
