Mark Zuckerberg bëhet njeriu i tretë më i pasur në botë

Mark Zuckerberg

Megjithë pasojat ekonomike të shkaktuara nga pandemia, CEO i Facebook, Mark Zuckerberg i ka shtuar më shumë se 30 miliardë dollarë pasurisë së tij në vetëm dy muaj.

Rritja në vlerën neto të pasurisë së Zuckerberg ka bërë që ai të fitojë titulline  njeriut të tretë më të pasur në botë, sipas renditjes së Indeksit të Miliarderëve të Bloomberg, i publikuar në 21 maj. Pasuria e Zuckerberg tani vlen rreth 87.8 miliardë dollarë, duke duke lënë pas edhe pronarin e markave luksoze Bernard Arnault dhe financierin Warren Buffet.

Lexoni: Facebook blen faqen e internetit të imazheve të animuara Giphy për 400 milionë dollarë

Rritja e Zuckerberg në renditje, ka të ngjarë të ketë ndodhur për shkak të rritjes së kompanisë së tij gjatë një kohe kur gati 40 milion punëtorë amerikanë janë larguar nga puna. Facebook raportoi të ardhura më të mira sesa pritej në tremujorin e parë më 29 prill.

Kompania i kapërceu pritshmëritë e Wall Street për të ardhurat dhe përdoruesit e përditshëm aktivë, duke gjeneruar 17.74 miliardë dollarë dhe duke tërhequr 1.73 miliardë përdorues në tre muajt e parë të vitit 2020. Kompania gjithashtu raportoi se kishte arritur në 3 miliardë përdorues mujorë në të gjithë familjen e saj të aplikacioneve, që përfshin Instagram, WhatsApp dhe Messenger. Pas këtij raportimi, aksionet e Facebook u rritën deri në 8%, duke i mundësuar kompanisë 44 miliardë dollarë në vlerë të shtuar të tregut.

Lexoni: Facebook do të lançojë opsionin e ri për blerje “Shops”

Sidoqoftë, Facebook tha se pësoi një “ulje të konsiderueshme” të kërkesës për reklamim gjatë tre javëve të fundit, të tremujorit të parë. Ndërsa fitimet e tremujorit të parë për kompanitë e teknologjisë dhe platformat sociale ishin relativisht premtuese, një ndikim i rëndësishëm në ekonomi mbetet të shihet. Rezultatet e tremujorit të dytë – që mbulojnë biznesin nga 1 prilli deri më 30 qershor – mund të paraqesin më mirë efektin që pandemia e koronavirusit ka pasur mbi bizneset.

Në dy muajt e fundit, Facebook ka njoftuar gjithashtu risi në biznesin e tij në e-commerce dhe video chatting. Facebook kohët e fundit lançoi Messenger Room, një shërbim video chat për deri në 50 persona në të njëjtën kohë.

Lexoni: Facebook lançon Messenger Room për komunikime video

Zuckerberg është i treti në listën e njerëzve më të pasur pas Drejtorit të Përgjithshëm të Amazon, Jeff Bezos dhe themeluesit të Microsoft, Bill Gates.

Business Insider

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale