Facebook blen faqen e internetit të imazheve të animuara Giphy për 400 milionë dollarë

Nga Mendrit Shehu

Facebook do të blejë faqen e famshme të internetit “Giphy”, i cili shërben për të krijuar dhe ndarë me miqtë imazhe të animuar (ose ndryshe imazhe të formatit GIF), dhe planifikon të integrojë videot e saj të animuara në Instagram dhe në aplikacionet e tjera në pronësi të “Facebook”.

Megjithëse akoma nuk është bërë publike, sipas faqes së internetit të lajmeve “Axios”, mendohet se Facebook ka paguar 400 milionë dollarë për blerjen e Giphy. Gjiganti i rrjeteve sociale do të lejojë që pjesa më e madhe veprimtarisë së Giphy të mbetet e pandryshuar, përfshirë mundësinë e përdoruesve për të ngarkuar GIF. GIF dhe stickerat u japin njerëzve mënyra kuptimplotë dhe krijuese për t’u shprehur – shkruan Vishal Shah, zëvendës presidenti i produkteve në Instagram, në një postim në blog, me anë të cilit njoftoi marrëveshjen.

Ne shohim aspekte pozitive, në mënyrën se si njerëzit përdorin GIPHY në produktet tona dhe jemi të ndërgjegjshëm se bashkimi i krijimtarisë dhe talentit të ekipit GIPHY me ekipet tona, do të përshpejtojë mënyrën se si njerëzit përdorin komunikimin vizual për t’u lidhur me njëri-tjetrin.

Lexo: 10 njerëzit më të pasur në botë për 2020

Facebook deklaron se 50% e të gjithë trafikut online të faqes së internetit Giphy , vjen nga  aplikacionet e tij, të cilat kanë përdorur prej kohësh përmbajtjen e Giphy. Gjithsesi kjo nuk është hera e parë që Facebook tenton të blejë GIPHY. Në 2015, Facebook tentoi të blinte Giphy, por kjo ofertë u refuzua nga vetë Giphy, i cili zgjodhi që të integrohej përmes produkteve të saj në disa platforma të rrjeteve sociale.

Forbes

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale