Lojërat Olimpike Verore në Paris pritet të tërheqin miliona vizitorë dhe mijëra atletë, duke krijuar një sfidë të madhe për organizatorët lidhur me sigurinë. Kërcënimet nga protesta, terrorizmi dhe sulmet kibernetike janë shqetësime kryesore për organizatorët e ngjarjes.
Historikisht, Lojërat Olimpike kanë qenë shënjestër e sulmeve të ndryshme. Gjatë Lojërave Olimpike të Mynihut në vitin 1972, 11 atletë dhe trajnerë izraelitë u vranë nga grupi terrorist palestinez “Shtatori i Zi”. Në vitin 1996, një shpërthim bombe në Lojërat e Atlantës vrau një grua dhe plagosi mbi 100 njerëz, duke e rritur shqetësimin për sigurinë në këto ngjarje të mëdha.
Për të garantuar sigurinë, Franca planifikon të angazhojë rreth 35,000 policë çdo ditë gjatë Lojërave, me një rritje në 45,000 për Ceremoninë e Hapjes, sipas një zëdhënësi të ministrisë së brendshme franceze. Përveç kësaj, 10,000 ushtarë do të vendosen në rajonin e Parisit, me mbështetje nga 1,800 oficerë policie nga vende të ndryshme të botës.
Gjithashtu, Franca do të angazhojë 20,000 personel privat të sigurisë për të mbuluar të gjitha ditët e olimpiadës. Ceremonia e hapjes së Lojërave Olimpike të Parisit, e planifikuar për më 26 korrik, do të jetë e veçantë pasi do të zhvillohet në një lumë, një vendim që sjell edhe sfida të reja për masat e sigurisë.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
