Në 2012-n, LinkedIn përjetoi një problem të madh në lidhje më rrjedhjen e të dhënave në të cilat hekerat u menduan se kishin vjedhur fjalëkalimet 6.5 milionë përdoruesve.
Zbulohet se numri ishte më i madh se ajo që u dyshua në fillim.
Sipas një postimi në blog nga LinkedIn, kompania sapo ka mësuar se në fakt ishin vjedhur më shumë se 100 milionë kombinime fjalëkalimesh. Ky numër mund të jetë edhe 117 milionë, sipas pretendimeve të njërit prej hakerave në Motherboard.
Në mënyrë që të mbrojë përdoruesit e saj, LinkedIn, shumë prej atyre që u prekën, u ka dërguar një email se fjalëkalimi i tyre aktual nuk është i vlefshëm dhe i këshillon të rivendosin një tjetër. Kompania gjithashtu u ka sugjeruar njerëzve edhe masa të tjera sigurie për llogaritë e tyre, si për shembull verifikim me 2 hapa, për të vështirësuar aksesin e hakerave.
Pas rrjedhjes së të dhënave në 2012-n, LinkedIn rivendosi fjalëkalimet e mbi 6 milionë përdoruesve, por mesa duket nuk pritej që edhe emailet gjithashtu të ishin vjedhur.
Sipas Motherboard, hakeri i cili vodhi kredencialet e LinkedIn i nxorri për shitje në një treg ilegal në webin “e zi” me një çmim prej 5 bitcoin, të barazvlefshme me rreth 2,200 $. Të gjithë fjalëkalimet u enkriptuan, por njëri nga burimet e Motherboard tha se 90 për qind e fjalëkalimeve u vodhën brenda 3 ditëve.
Për të qënë i sigurtë, LinkedIn të sugjeron që të ndryshosh fjalëkalimin e llogarisë edhe nëse në adresën tënde nuk të ka mbërritur një email me rekomandimin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
