Konferenca Vjetore e Investitorëve në Dubai, Prill 2018

AIM (Annual Investment Meeting) është një event tre-ditor i FDI-ve (Foreign direct investment), i cili përfshin një konferencë të kompanive me famë botërore, prezantime të projekteve të shteteve të ndryshme për investime, panair ndërkombëtar, prezantime të projekteve për investime dhe rrjetëzim mes kompanive dhe investitorëve. AIM paraqitet si nxitës i ri i tregjeve në zhvillim, inkubator i ekonomive në zhvillim të shpejtë dhe partner i udhëheqjes së vendeve gjysëm të industrializuara.

Tema kryesore e edicionit të 8-të të Takimit Vjetor të Investimeve do të jetë “Lidhja e Tregjeve të Zhvilluara dhe tregjeve të reja përmes Investimeve të Huaja Direkte: Partneritetet për Rritjen Gjithpërfshirëse dhe Zhvillimin e Qëndrueshëm”. Ky takim do të zhvillohet gjatë datave 9-11 Prill 2018 pranë Dubai World Trade Center.

Për herë të parë edhe Kosova merr Pjesë në Konferencën Vjetore të Investimeve në Dubai.

Business Kosova Center, ka rezervuar një hapësirë për të prezantuar kompanitë/produktet dhe shërbimet që ju ofroni dhe fton që të bashkoheni me të. Gjatë kësaj vizite grupore do të keni mundësinë e gjetjes së klientëve dhe rritjen e tregjeve për kompaninë tuaj si dhe të caktoni takime me investitorë të ndryshëm për prezantimin e ideve apo projekteve tuaja që kërkojnë investime.

Për më shumë informacion klikoni këtu.