Kompania më e madhe e erëzave në botë po përdor IA për të gjetur shije të reja
Përditësuar së fundmi: 08/02/2019

Kompania më e madhe e erëzave në botë po përdor IA për të gjetur shije të reja

Share
nga Ornela Trupja
Shk 08, 2019

Pas 130 vjetësh, mund të jetë e vështirë të gjesh shije të reja, kështu që kompania më e madhe e erëzave në botë po përgatitet  t'I drejtohet inteligjencës artificiale për ndihmë.

Mçormick, krijuesi i Old Bay dhe perimeve të tjera, erëzave etj, shpreson se teknologjia mund t’a ndihmojë atë në zbulimin e këtyre shijeve. Kompania Baltimore me qendër në Maryland ka në plan të sjellë këtë vit në treg prodhimin e saj të parë të produkteve të asistuara nga IA.

Linja e përzierjeve të erëzave, e quajtur “One”, përfshin shije të tilla si Tuscan Chicken dhe Bourbon Pork Tenderloin. Hamed Faridi, oficeri i shkencave të Mçormick, tha për CNN Business se përdorimi i IA-së ul kohën e realizimit të produktit dhe se kompania planifikon të përdorë këtë teknologji për të ndihmuar në zhvillimin e të gjitha produkteve të reja deri në fund të vitit 2021.

Kjo nuk është hera e parë që IA është përdorur për finesë në ushqime. Por, tani po fillon të bëhet biznes serioz. Brewer Carlsberg, për shembull, po përdor sensorë për të parashikuar se si do të shijojë birra. Disa kompani janë tërësisht të përkushtuara ndaj idesë së përdorimit të IA për të zbukuruar ushqime dhe pije, të tilla si Foodpairing, i cili përdor analizën e të dhënave dhe të mësuarit në makinë për të ndihmuar restorantet të kenë artikuj të ri në menu.

Në rastin e Mçormick, sistemi i IA përpunon të dhënat e lëndëve të para, formulimet e erëzave, shitjet, parashikimet e trendeve dhe testet e konsumatorëve.

Faridi tha se zhvilluesit e kompanisë, shumica e të cilëve janë shkencëtarë të ushqimit, kimistë, inxhinierë kimikë, zakonisht krijojnë një produkt të ri duke filluar me një recetë bazë për formulën e farës.

“Një produkt i mundshëm kalon 50 deri 150 përsëritje para se Mçormick të vendosë  për një formulë përfundimtare”- tha Faridi. Ato pastaj do të testohen në një laborator, me ekspertë ndijor dhe më pas me konsumatorët. I gjithë procesi mund të zgjasë dy javë deri në gjashtë muaj. Faridi tha se përdorimi i Inteligjencës Artificiale nga Mçormick mund të zvogëlojë kohën që duhet për të krijuar një produkt të ri.

Sistemi do të sugjerojë formula të reja, me të cilat zhvilluesit e produktit të Mçormick mund të përsosin dhe të shijojnë, pastaj t’i dërgojnë për testime tek konsumatorët. Sistemi sipas Faridit mund të përmirësohet me kalimin e kohës me reagimet që merr nga zhvilluesit.