Kompania 3.5 milionë dollarëshe, që lindi jashtë dyerve të stadiumit - Business Magazine Albania

Kompania 3.5 milionë dollarëshe, që lindi jashtë dyerve të stadiumit


Sterling Wilson ishte 22 vjeç kur ai ngeci në industrinë e 25 miliardë $ të produkteve promocionale në një firmë të prodhimit kinez. Pesë vjet më vonë, kompania që ai themeloi pas shitjes të syzeve të diellit për tifozët e futbollit me anë të çantës që mbante në shpinë tërhoqi klientë gjigandë, duke përfshirë sistemet e mëdha universitare të SHBA-së dhe Coca-Cola-ën. Bashkë-themeluesi i Pop! Promos përshkruan se si shpirti i ekipit dhe një regjim prodhimi i zgjuar ka ndihmuar kompaninë e tij të luajë më mire me konkurrencën.

Kur të gjithë miqtë e mi ishin duke shkuar për të studiuar jashtë vendit dhe duke udhëtuar nëpër Europë, unë isha duke menduar çfarë të bëja. E shikoja Kinën në gazetë çdo ditë dhe vendosa të nis një punë në një firmë kineze farmaceutike në Shanghai.

Puna ime ishte për të organizuar logjistikën. Kam mësuar se nuk ekzistonte postë brenda natës në Kinë. Të dërgoje diçka midis krahinave mund të merrte disa ditë, por mund të eksportoje diçka jashtë vendit nga ajri në Shtetet e Bashkuara në vetëm dy ditë, e cila ishte interesante për mua.

Nuk kisha arritur t’a menaxhoja mirë lekun në Shangai, kështu që kur u ktheva përsëri në shkollë në vitin 2011 dhe pagova qeranë dhe depozitat e sigurisë, papritmas kuptova që nuk kisha asnjë dollar në emrin tim.

Shkova në ndeshjen e parë të futbollit për atë vit për Universitetin e Kalifornisë Jugore dhe kishte mijëra njerëz që po hanin ushqim të servirur nga pjesa e prapme e një automjeti të parkuar në kampus. Çdokush kishte kapele, bluza, pije freskuese, por askush nuk kishte syze dielli. Në atë moment mendova, “O zot, çdo gje është e qartë.”

Kështu atë natë, ndenja deri në mesnatë pas lojës – të cilën e fituam, meqë ra fjala – hyra në Skype dhe fillova të komunikoja me disa persona. Rezulton se, kushëriri i shokut tim të vjetër nga Shanghai sapo kishte blerë një fabrikë syzesh dielli. Projektova një palë syze dielli që ishin me ngjyrë të kuqe të ndezur dhe ngjyrë ari dhe lexonin “Game Day”(Dita e lojës) në të dyja anët, huazova disa para nga shoku im dhe porosita 2,000 palë prej tyre.

Ditën e ndeshjes me një tabelë të madhe që shkruhej “Game Sunglasses Day 10$”, mora biçikletën time me një çantë shpine plot me syze dielli dhe shita 2.000 palë në vetëm tre ditë. Telefonova disa nga miqtë e mi të shkollës së mesme dhe ata filluan shitjen në shkollat e tyre. Deri në tetor, shitëm pothuajse 100,000 palë syze dielli në të gjithë vendin.

Pastaj filluam duke bërë biznes me disa klientë korporatash dhe duhet të mësonim regjistrimin e administrimit të Ushqimit dhe të Drogës, testimin e sigurisë dhe të gjitha këto gjëra për të cilat nuk kishim asnjë koncept.

Përfundimisht klientët tanë filluan të na kërkonin të bënim produkte të tjera përveç syzeve. Ne thame jo për rreth një vit dhe më në fund e kuptuam që duhet t’a bënim këtë. Pop! Promos tani ka një linjë prej 20 produktesh dhe ajo që na dallon nga gjithë të tjerët në treg është që ne nuk kemi bërë asnjë inventar.

Ne e kemi bërë vendin tonë në këtë biznes jo duke parë në gjërat e tjera dhe duke pyetur, “Si të tjerët e bëjnë atë?” por duke  pyetur: “Cilat janë mundësitë tona?” Si mund t’a bëjmë këtë në mënyra të ndryshme? Dhe duke i sjellë te të rinjtë, të cilët nuk kanë përvojë, ne kemi marrë ide të reja.

 

burimi: Inc.com

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0