Ryan Harwood, CEO i Purewow*
Besimi, tërheqja dhe respekti. Sipas mendimit tim, këto janë tre shtyllat e çdo marëdhënie. Dhe vetëm kur këto tre cilësi funksionojnë së bashku, një kulturë e vërtetë fillon të ndërtohet. Të tre këto cilësi janë të pozicionuara ngushtësisht, të mbështetura tek njëra tjetra dhe unë besoj se janë përbërësit e vërtetë të çdo ekipi të suksesshëm.
Eshtë e vështirë të fitosh besim tek dikush tek i cili nuk ke tërheqje apo kimi. Është e vështirë të tërhiqesh ndaj dikujt ndaj së cilit nuk keni respekt. Dhe është e vështirë të kesh respekt për dikë tek i cili nuk keni besim. Kam mësuar se kolegët ti falin gabimet – ata falin edhe gjykimet e gabuara në biznes herë pas herë – por është pothuajse e pamundur të falin mashtrimin. Integriteti është tipari i vetëm më i rëndësishëm që çdo person mund dhe duhet të mbahet fort.
Mënyra më e mirë për të ndërtuar besim tek punonjësit e tu (dhe shokët e tu) është të jesh i vërtetë në ato që thua. Mos mashtro dhe mos keqinterpreto fjalët. Duhet të ketë gjithnjë llogjikë prapa vendimeve të tua, kështu që deklaroji ato me besim. Dhe nëse nuk keni përgjigjjet e duhura, nuk ka problem ta pranosh këtë gjë. Shumë njerëz kanë gjithnjë një përgjigjje por asnjë nuk i ka të gjitha përgjigjjet. Është e guximshme kur një udhëheqës apo drejtues mund ta pranojë një gjë të tillë. I bën ata njerëzorë, të lidhur me situatën dhe më të lehtë për tu besuar.
Ekipi drejtues duhet të ketë besim tek njëri tjetri. Mos mbani informacion dhe shmangni diskutimet e sipërfaqëshme. Transparenca mund të forcohet vetëm kur informacioni qarkullon lirshëm nga maja deri në nivelet më të poshtme. Asnjëherë mos kini frikë nga të qënurit i ndershëm dhe i drejtëpërdrejtë sepse në fund të ditës, gjithshka që keni është fjala.
—
* PureWow është një kompani mediatike dixhitale amerikane me qendër në Neë York e cila publikon materiale për stilin e jetës së femrave.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
