“Mateni ndikimin tuaj mbi njerëzimin jo me pëlqime por në jetën që prekni çdo ditë, jo në popullaritet, por tek njerëzit që shërbeni”, tha Cook gjatë fjalimit të tij. “Unë zbulova se jeta ime u bë më e mirë kur nuk mendoja më për atë që njerëzit mendonin për mua.”
Cook tregoi se kur ishte më i ri, pati shumë vështirësi për të gjetur qëllimin e jetës së tij. Ai e kërkoi atë në shkollën pasuniversitare në Universitetin Duke, meditim, fe dhe shkrimet e filozofëve. Ai gjithashtu tregoi në formë shakaje për një “moment të pavendosmërisë rinore”, kur ai eksperimentoi me një PC të Windows.
Cook përfundimisht e gjeti qëllimin e tij kur shkoi në kompaninë Apple 20 vite më parë. Atje ku u takua me bashkë-themeluesin e Apple, Steve Jobs, i cili kishte një pasion për teknologjinë të shoqëruar me një nevojë për t’i shërbyer njerëzve. Ai e inkurajoi klasën që të mbushin me vlera dhe humanizëm gjërat që ata krijojnë dhe ndërtojnë. Cook theksoi rëndësinë e këtij mesazhi duke ndarë një anekdotë nga takimi i tij me Papa Françeskun vitin e kaluar. Papa i tha Tim Cook: “Kurrë njerëzimi nuk ka patur një pushtet të tillë mbi vete, por nuk ka ende asgjë për të siguruar se do të përdoret me mençuri.”
Nën udhëheqjen e Cook, Apple ka lançuar produkte si Apple Watch dhe HomePod të sapo lançuar. Tim Cook u bë CEO i Apple pasi Jobs dha dorëheqjen në Gusht të vitit 2011.
“Nëse vendos të jetosh jetën në vorbullën e teknologjisë dhe njerëzve që u shërben,” thotë Cook, “nëse përpiqesh të krijosh më të mirën dhe të bësh më të mirën, jo vetëm për disa, atëherë sot i gjithë njerëzimi ka më shumë shpresë për të ardhmen.”
Burimi: inc.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
