Pavarësisht nga përgjegjësitë e tij si kryetar ekzekutiv i Amazon, pronar i Blue Origin dhe investitor miliarder, Jeff Bezos zgjedh të organizojë ditën e tij në një mënyrë që i siguron gjumë dhe pushim të mjaftueshëm.
Një video e Bezos duke përshkruar rutinën e tij të mëngjesit është bërë virale në internet, duke tërhequr vëmendje të madhe në rrjete sociale. Në këtë video, Bezos thotë:
“Unë shkoj për të fjetur herët dhe zgjohem herët. Më pëlqen të lexoj gazetën, të pi kafe dhe të ha mëngjes me fëmijët e mi para se të shkojnë në shkollë. Është shumë e rëndësishme për mua, prandaj e caktova takimin tim të parë në orën 10:00.”
Bezos, një nga njerëzit më të pasur në botë, thekson gjithashtu se preferon të përfundojë takimet para drekës dhe nënvizon rëndësinë e gjumit të mjaftueshëm:
“Unë mendoj më mirë dhe kam më shumë energji kur fle për tetë orë.”
https://x.com/i/status/1807398933439840516
Videoja ka grumbulluar miliona shikime dhe mijëra pëlqime, duke nxitur diskutime të shumta mes përdoruesve të rrjeteve sociale. Shumë komentues kanë përshëndetur këshillat e Bezos dhe kanë sugjeruar që të tjerët të ndjekin shembullin e tij.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
