Jack Dorsey dha dorëheqjen si CEO i Twitter të hënën pas pothuajse 16 vitesh në krye të kompanisë. Dorsey do të mbetet CEO i Square, kompania që tani është ri-emëruar Block.
Shkarkimi i Dorsey vjen pas shqetësimit të investitorëve për dualizimin e pozicionit si CEO duke pretenduar se vëmendja dhe koha e tij ishin të ndara.
Dorsey tha se ai ishte në gjendje të menaxhonte stresin e drejtimit të dy kompanive në të njëjtën kohë duke ndjekur një program strikt të mirëqenies që përfshinte ecjen pesë milje deri në punë, meditimin për dy orë dhe ngrënien e një vakti në ditë.
“Kur u ktheva tek Twitter dhe mora punën e dytë, e mora shumë seriozisht meditimin”, tha ai gjatë një interviste në podcast-in “The Boardroom: Out of Office”.
Dorsey ka praktikuar në mënyrë specifike meditimin Vipassana, një teknikë e lashtë meditimi budiste që përfshin 10 ditë heshtje. E njohur gjithashtu si “meditimi i mprehtë”, parimi i kësaj praktike është mosgjykimi.
Ndryshe nga praktikat e tjera medituese që përqëndrohen në një mantra ose vizualizim specifik, ju nuk supozohet të kontrolloni me vetëdije mendimet tuaja gjatë Vipassana. Në vend të kësaj, ju pranoni çdo mendim që ju vjen dhe menjëherë ktheheni tek frymëmarrja juaj.
Dorsey nuk është i vetmi CEO që betohet mbi këtë teknikë si sekret të suksesit të tij profesional. CEO i Salesforce, Marc Benioff, është kaq i bindur mbi përfitimet e kësaj praktike, saqë ai shtoi një dhomë meditimi në çdo kat të zyrave të tij në San Francisko.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
