Ja cila është arsyeja pse 4500 punonjës të Amazon janë të pakënaqur ndaj Jeff Bezos » Business Magazine Albania – Media Dixhitale dedikuar Sipërmarrjes
Përditësuar së fundmi: 11/04/2019

Ja cila është arsyeja pse 4500 punonjës të Amazon janë të pakënaqur ndaj Jeff Bezos

Share
nga Anerola Torollari
Pri 11, 2019
Studied at Faculty of Science, Content Editor Biznesi at Business Magazine
lexo me teper >

Më shumë se 4,500 punonjës të Amazon publikuan një letër të hapur për Jeff Bezos të Mërkurën duke kërkuar që kompania të bëjë më shumë në lidhje me ndryshimet klimatike.

“Ne besojmë se kjo është një mundësi historike për Amazon që të qëndrojë me punonjësit dhe të sinjalizojë botën se ne jemi gati të bëhemi një lider në ndryshimet klimatike,” thuhet në letrën. Nënshkruesit përfshijnë një gamë të madhe të punonjësve të Amazon, si inxhinierë, punonjës të depos dhe shitës.

Lexoni: Microsoft pranon se nuk mund të konkurojë Amazon dhe Google në luftën e asistentëve të zërit

Letra përzgjedh pesë elemente të politikës së qëndrueshmërisë së Amazon, të cilat punonjësit thonë se mungojnë:

Amazon është shumë i paqartë

Letra thotë se Amazon nuk ka qenë transparent në lidhje me planet e tij për të arritur 100% në energji të rinovueshme. Letra thekson se nuk është dhënë një datë e synuar për këtë qëllim. Për më tepër, thuhet se duke pasur parasysh rritjen e kompanisë, një angazhim për dërgesat me 0 emetim mund të nënkuptojë se ndotja në 10 vjet do të jetë shumë herë më e ulët sesa është sot.

Koncepti i “dërgesave me zero emetim” është venitur

Nënshkruesit marrin në konsideratë angazhimin e kompanisë për “dërgesa zero emetim”, që do të thotë emetim zero total të karbonit të gjeneruar nga shpërndarjet e Amazon. Nënshkruesit shkruajnë se shkarkimet e emetimeve nuk janë sinonim me ndërprerjen e ndotjes, duke treguar për faktin se Amazon kohët e fundit bleu 20,000 furgona të rinj që punojnë me naftë.

Amazon po bashkëpunon shumë me kompanitë e lëndëve djegëse

Letra kritikon marrëdhënien e Amazon me kompanitë e naftës dhe gazit. “Për të shmangur ngrohjen katastrofike globale, shkenca është e qartë: duhet të mbajmë lëndët djegëse fosile në tokë,” thotë ajo.

Letra e hapur vjen pas një raporti të Gizmodo të botuar të hënën në lidhje me marrëveshjet e Amazon me industrinë e naftës dhe gazit. Raporti gjithashtu detajon se si planet e Amazon për të kaluar në 100% energji të rinovueshme janë “zvarritur” gjatë dy viteve të fundit.

Lexoni: Google Cloud së shpejti do të ketë një produkt të ri që do të konkurrojë Amazon dhe Microsoft

Amazon u jep para politikanëve që kundërshtojnë legjislacionin mbi klimën

Sipas letrës, ndërsa Amazon ka mbështetur disa organizata të fokusuara në qëndrueshmërinë, ajo gjithashtu i dhuroi para 68 anëtarëve të Kongresit në 2018, të cilët votuan kundër legjislacionit të klimës “100%” të asaj kohe”.

Përpjekjet e Amazon për energjinë e rinovueshme nuk kanë kontekst

Letra nënkupton që disa nga përpjekjet publike të Amazon për të rritur burimet e ripërtëritshme të energjisë nuk janë aq të mëdha sa ato shfaqen. Si shembull, letra merr përsipër angazhimin e Amazon për të ndërtuar të paktën 50 instalime diellore për depot e saj deri në vitin 2020.

Kjo nuk është hera e parë që Amazon është kritikuar në lidhje me shmangien e energjisë së pastër. Në një raport të shkurtit të 2019, Greenpeace u përplas me kompaninë për mos mbajtjen e premtimeve. Raporti mori në konsideratë sesi Amazon po furnizonte me energji qendrat e të dhënave cloud të Amazon Web Services (AWS).

“Përkundër përkushtimit publik të Amazon për energjinë e ripërtëritshme, kompania më e madhe në botë e cloud computing shpreson që askush nuk do të vërë re se ende po shtyn me energjinë e dëmshme,” tha në një deklaratë Elizabeth Jardim, përfaqësuese nga korporata Greenpeace.

Kërkesat e punonjësve të Amazon

Letra përfundon me një seri kërkesash, disa më specifike se të tjerat. Ajo thotë se Amazon duhet të angazhohet për uljen e emetimeve në 50% deri në vitin 2030 dhe 100% deri në vitin 2050 dhe se kompania duhet të largohet nga lëndët djegëse fosile tërësisht.

Ajo gjithashtu kërkon që kompania t’i japë përparësi reduktimeve të emetimeve në “komunitetet me ngjyrë dhe indigjene”, të cilat ndikohen në mënyrë joproporcionale nga ndotja.

Lexoni: Amazon paguan punonjësit e saj të trajnohen për punë në kompani të tjera

Punonjësit e Amazon duan që kompania të largohet nga synimi i përdorimit të naftës dhe gazit për biznesin dhe të ndalojë dhënien e parave për politikanët që “vonojnë veprimet për ndryshimet klimatike”.

Së fundi, letra bën një thirrje për të drejtat e punonjësve, duke kërkuar trajtim të drejtë për stafin gjatë kushteve ekstreme të motit. “Vende pune të pasigurtë ose të paarritshëm nuk duhet të jenë arsye për të mbajtur pagesat, për të pushuar apo penalizuar punonjësit, duke përfshirë punonjësit që punojnë me orë pune apo ata me kontrata të rregullta,” thotë ajo.

burimi: BusinessInsider