Një inxhinier kompjuteri, i cili aksidentalisht hodhi një hard-disk që përmbante bitcoin me vlerë rreth 180 milionë euro, planifikon të përdorë inteligjencën artificiale për t’i kërkuar. Sipas mediave të huaja, James Howells hodhi pajisjen nga një laptop i vjetër që përmbante 8,000 bitcoin në vitin 2013 gjatë një pastrimi zyre dhe tani beson se ai gjendet në një vendgrumbullim mbeturinash në Newport, në Uellsin jugor.
Këshilli i ka mohuar më parë kërkesat e përsëritura të 37-vjeçarit për të kërkuar vendin për shkak të shqetësimeve mjedisore, por ai ka krijuar një skemë të teknologjisë për të gjetur asetet dixhitale.
Propozimi i tij i ri do të përdorte teknologjinë e inteligjencës artificiale për të operuar “një krah mekanik” që do të filtronte mbeturinat, përpara se të trajtoheshin me dorë në një objekt që shfaqet pranë vendit .
Sipas planeve ai do të punësojë një numër ekspertësh – përfshirë edhe të mjedisit, dhe ndërkohë që kërkimi është në vazhdim do të punësojë qen robotë si siguri, në mënyrë që askush tjetër të mos mund të përpiqet të vjedhë hard-diskun.
Howells beson se kërkimi do të zgjasë rreth nëntë deri në 12 muaj, megjithatë, edhe nëse ai merr leje nga këshilli, nuk ka asnjë garanci se një kërkim i tillë do të jetë i suksesshëm ose që bitcoin-ët që ai ka nxjerrë gjatë gjithë atyre viteve më parë do të rekuperohen nga hard disku.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto