Investitorët hungarezë të interesuar për të investuar në Republikën e Kosovës


Në Prishtinë u mbajt Forumi Ekonomik mes Kosovës dhe Hungarisë, ku morën pjesë rreth 10 biznese hungareze, të cilat kanë shprehur interesimin për të investuar në Kosovë në fusha të ndryshme.

Kryetari i Odës Ekonomike të Kosovës, Safet Gërxhaliu me këtë rast tha se bashkëpunimi ekonomik dhe raportet e ndërsjella ndërmjet Kosovës dhe Hungarisë janë të dëshmuara, por sipas tij, nga ky forum pritet të arrihen marrëveshje konkrete ndërmjet bizneseve.

Ai shtoi se sa më tepër që dialogohet dhe sa më tepër forcohet partneriteti krijohet dhe fuqizohet e ardhmja që është e nevojshme për Kosovën. Sipas tij, Kosova ka pesë objektiva strategjike, Europa, edukimi, ekonomia, ambientalizmi dhe përvoja.

“Jemi dëshmitarë të asaj që raportet politike janë në nivelin e dëshiruar dhe mbi këto raporte politike duhet të forcohet partneriteti dhe bashkëpunimi ekonomik. Bashkëpunimi ekonomik dhe përvojat e partnerëve nga Hungaria janë më se të vlerësuara dhe të mirëseardhura për Kosovën. Në këtë drejtim besoj që ky forum do të gjenerojë edhe marrëveshje të bashkëpunimit jo vetëm në formë bilaterale, por edhe më gjerë. Hungaria për Kosovën është një shtet i rëndësisë së veçantë jo vetëm politike, por edhe ekonomike e strategjike”, tha Gërxhaliu.

Kryetari i Odës Ekonomike të Hungarisë, Attila Galambos, tha se dhomat ekonomike të këtyre dy shteteve duhet të angazhohen për krijimin e kushteve më të mira për afaristët. Nga ky forum ai pret që bizneset hungareze të lidhin marrëveshje, pasi bizneset kosovare janë kredibile.

“Të gjithë biznesmenët kosovarë janë shumë korrektë dhe kjo është arsyeja pse unë kam shtyrë odën ekonomike të vendit tonë që të vijnë dhe të bëjnë këtë vizitë në Kosovë që unë së bashku me ta, ta ndaj këtë përvojë time. Jam më se i sigurtë se çdo njëri prej tyre do të bëjë marrëveshje me homologët kosovarë, sepse njerëzit këtu janë shumë korrektë dhe gjithmonë janë të hapur për të bashkëpunuar”, tha Galambos.

Edhe ambasadori i Hungarisë Laszo Markusz tha se pas arritjeve të këtij forumi dy qeveritë e këtyre shteteve duhet t’i marrin parasysh kërkesat e bizneseve. Ai ka treguar edhe për marrëveshjet financiare të Hungarisë për Kosovën. Sipas tij, në këto dy vitet e fundit kanë pasur dy takime të nivelit të lartë të dy qeverive që kanë shprehur interesim për investimet hungareze në Kosovë.

“Qeveria e Kosovës dhe Hungarisë kanë bërë shumë në këto dy vitet e fundit për të fuqizuar frymën ekonomike, por edhe në infrastrukturën ligjore për të fuqizuar bashkëpunimin ekonomik. Në muajin dhjetor 2015, ne kemi nënshkruar një bashkë-marrëveshje për bashkëpunim dhe po ashtu në dhjetorin e vitit të kaluar ne kemi nënshkruar edhe një marrëveshje për një hua në vlerë prej 62 milionë euro me kamatë 0%.” tha Markusz.

Ndërsa, Kreshnik Thaçi nga KIESA (Agjencia për Promovimin e Investimeve të Huaja) ka prezantuar mundësitë që ofron Kosova për investime.

Ndryshe, importi i mallrave nga Hungaria është 99% më i lartë se eksportet e vendit tonë.

burimi: telegrafi

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale