"Ideja jote për Biznes", programi që shndërron idetë e mëdha në biznese të mëdha - Business Magazine Albania

“Ideja jote për Biznes”, programi që shndërron idetë e mëdha në biznese të mëdha


Programi “Ideja jote për Biznes” është projektuar për një qëllim – për të kontribuar në ekonominë e vendit e për të ndihmuar gjeneratën e ardhshme të inovatorëve shqiptarë të jenë të suksesshëm edhe në tregjet globale.

Për të arritur qëllimin e tij, programi identifikon sipërmarrësit me idetë më premtuese përmes një procesi konkurues, duke ofruar shpërblime për fituesit dhe ndihmë intensive follow-up.

Përmes një tradite të përvitshme, ky program ndihmon sipërmarrësit shqiptarë që kanë një ide biznesi të ndërtojnë një biznes të mirëfilltë. Në edicionin e tij të dytë programi vjen me fokus ndaj ideve StartUp.

Në kuadrin e përgjegjësisë sociale që Grupi Balfin ka ndaj shoqërisë shqiptare, synon të mbështesë të rinj e të reja, njerëz me ide, të cilët janë të gatshëm të zhvillojnë bizneset e tyre dhe të jenë të suksesshëm.

Pse duhet të merrni pjesë?

Bizneset e suksesshme fillojnë me punë, me lidhjet e duhura dhe me frymëzim. Nëse ju keni një ide dhe dëshironi ta ktheni atë në një biznes fitimprurës, programi “Idjea jote për Biznes” mund t’ju ndihmojë. Nëse kërkoni t’i jepni jetë projektit tuaj, si dhe të ndërtoni një strategji biznesi, kjo është mënyra më e mirë për ta arritur këtë gjë.

Aplikoni për t’u bërë pjesë e këtij programi dhe shfrytëzoni shansin për t’ja prezantuar idenë tuaj Grupit Balfin, Grupit më të madh të investimeve në Shqipëri.

Duke marrë pjesë në programin “Ideja jote për Biznes” ju përfitoni:

  • Çmim monetar për të nisur biznesin tuaj
  • Mbështetje profesionale në realizimin e ideve tuaja

Faza I

Brenda pesë ditëve nga data e aplikimit, ju do të njoftoheni se projekt-ideja juaj është marrë në shqyrtim. Të gjitha aplikimet do të kalojnë fillimisht një filtrim sipërfaqësor nga idetë e pabaza ose joreale. Aplikantët me idetë më të mira, të cilat do të përzgjidhen nga Steering Committee do të njoftohen nga organizatorët e programit për kalimin e tyre në fazën e dytë.

Faza II

Në fazën e dytë, të gjithë aplikantët e përzgjedhur për të vazhduar konkurimin do të kenë mundësinë të takohen me përfaqësues të Grupit Balfin, profesionistë të fushës së biznesit, të cilët do të ofrojnë asistencën e nevojshme për konkurentët, në mënyrë që ata të përsosin strategjitë e tyre të biznesit.
Nëpërmjet konsultimeve të vazhdueshme, pjesëmarrësit në program do të përfitojnë suport maksimal për të zhvilluar më tej projektet e tyre dhe për të plotësuar gjithë dokumentacionin e nevojshëm.
Prej tyre, idetë më të mirë-strukturuara do të përzgjidhen nga Steering Committee si finalistë të programit dhe do të kalojnë në fazën e tretë.

Faza III

Nëse përzgjidheni si një nga finalistët e programit “Ideja jote për Biznes” dhe pasi të keni reflektuar në projekt të gjitha udhëzimet e dhëna nga profesionistët e fushës, ju do të paraqisni planin tuaj të biznesit, shoqëruar me dokumentacionin e nevojshëm përpara një jurie profesioniste nëpërmjet një prezantimi të shkurtër.

Nga kjo fazë do të shpallen edhe fituesit e programit “Ideja jote për Biznes”, të cilët do të përfitojnë:

• Çmimi I – Shpërblim në formën e një granti në vlerën 200.000 ALL
• Çmimi II – Suport në përgatitjen e dokumentacionit të duhur si dhe orientim në adresimin e institucioneve financare dhe atyre mbështetëse për të aplikuar për fonde si dhe zhvillimin e një plani të mirëfilltë biznesi.

Disa mund ta konsiderojnë thjesht një konkurs, por “Ideja jote për Biznes” është shumë më shumë. Programi ndihmon sipërmarrësit në zhvillimin e aftësive të tyre.  Të gjithë pjesëmarrësit e programit “Ideja jote për Biznes” janë fitues. Thjesht duke qenë pjesë e ketij procesi ju merrni gjithë suportin e nevojshëm për të përmirësuar strategjitë tuaja të biznesit.

Aplikoni KËTU

BALFIN është një ndër grupet private investuese më të mëdha në Shqipëri dhe rajon. Portofoli i investimeve të Grupit mund të kategorizohet në aktivitete për zhvillimin e pasurive të paluajtshme, shitje me pakicë, menaxhim i hapësirave tregtare apo industrial, shërbime, telekomunikacion, fincancim i konsumatorëve, industri minerare, turizëm, energji dhe agrikulturë. Grupi Balfin është një aktor kryesor në tregjet shqiptare dhe ato ndërkombëtare duke vepruar në 10 vende.

Burimi: balfin.al

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0