Aspekti ekonomik i kohëve të fundit mund të jetë sfidues dhe mbase kjo ju nxit të mendoni për ndërtimin e diçkaje të re. Por si të vendosni për idenë e duhur të biznesit? Sa kohë do të duhet për të sjellë fitime? Nëse po kërkoni të eksploroni biznese fitimprurëse menjëherë, ju keni ardhur në artikullin e duhur. Një veçori që duhet të përmirësoni gjithmonë si sipërmarrës është aftësia për të dalluar mundësitë— pra identifikimin e tendencave në treg dhe zgjidhjen e problemeve të nivelit të lartë që po shqetësojnë klientelën që ju targetoni.
Më poshtë janë renditur disa tipologji biznesesh që mund të konsideroni:
1. Freelancing ose Konsulenca
Periudha kohore për gjenerim fitimi: 1-2 javë
Mënyra numër 1 më e shpejtë për të sjellë të ardhura të shpejta është të filloni punë të pavarur ose ofrim konsultimesh. Ju duhet të ofroni një specializim tuajin në trajtën e një shërbimi.
Nuk ka kosto fillestare dhe nuk ka shpenzime të përgjithshme. Gjithçka që ju nevojitet për të nisur përpjekjet tuaja janë aftësitë tuaja dhe një lidhje interneti.
Gjëja kryesore që është e rëndësishme të kuptoni përpara se të ndërmerrni një punë të pavarur është: përcaktimi i qartë i profilit tuaj dhe zgjidhjes që ofroni. Kjo do t’i japë biznesit tuaj një drejtim të fokusuar.
2.Trajnime Online
Periudha kohore për gjenerim fitimi: 3-4 javë
Disa ide fillestare për të fituar para me këtë tipologji biznesi: Organizimi i webinars (ftoni 3 ekspertë dhe organizoni një diskutim për një audiencë specifike), Stërvitje, Bootcamp 6-javor, Intervistë ekskluzive ose podcast live (nëse tashmë keni një podcast të para-regjistruar, bëni një episod “live” për ta bërë atë të veçantë dhe të pakët dhe të paguani një tarifë bilete), Standup comedy, etj.
Lexo edhe:Eksperti i komunikimit: “3 gjëra që bëjnë njerëzit me besim tek vetja kur flasin në publik “
3. Hapja e një dyqani online
Periudha kohore për gjenerim fitimi: 1-4 javë
Industritë e veshjeve dhe modës janë disa nga më fitimprurësit dhe shpërdoruesit në planet. Kostot mjedisore të “modës së shpejtë” kanë ndryshuar sjelljet e klientëve të veshjeve, me më shumë kërkesë se kurrë më parë për veshje të rinovuara, dhe të ripërdorura. Ndryshimi në sjelljen e konsumatorit krijon një treg të madh për blerjen dhe shitjen e veshjeve të përdorura. Deri në vitin 2026, tregu i veshjeve të përdorura pritet të dyfishohet në 218 miliardë dollarë. Mund të përfitoni nga kjo rritje duke shitur atë që keni (psh në Facebook Marketplace ose thredUP), hapni një dyqan një tregton produkte dhe i dërgon kudo (si Shopify, Etsy ose në Ebay)
4. Krijimi i kurseve online
Periudha kohore për gjenerim fitimi: 1-2 javë (për shitjet e para ose rezervime të saj para se të dal); 2 muaj ( për ta lançuar)
Për këtë tipologji biznesi nevojitet kohë për ta krijuar në mënyrë që ju vërtet të ofroni vlerë të vërtetë për audiencën tuaj dhe për të krijuar një kurs që të jetë i kërkuar dhe i ndjekur dhe mbi të gjitha ti rezistojë provës së kohës megjithatë përfitimet do të jenë afatgjata pasi ta keni bërë.
Pasi të zgjidhni 3-5 ose edhe 10 “tema” të mundshme, shkruani tre pika për secilën që detajojnë përfitimet e atij kursi. Çfarë mund të presin njerëzit të mësojnë nëse e blejnë këtë kurs? Cilat janë pikat kryesore të përdorimit? Cilat janë mësimet më emocionuese?
Një opsion është gjithashtu shitja paraprakisht e temave të kursit. Ju mund të konfiguroni një faqe fillestare dhe një tarif bazë dhe ta shpërndani me email këtë fushatë për të tërhequr rezervues paraprak të kursit që ju po krijoni.
Këto ishin vetëm disa lloje biznesesh që gjenerojnë para pa pasur nevojë të shpenzoni shumë kohë dhe investim paraprak. Ndërtimi i një biznesi është punë e vështirë, por asgjë e mirë në jetë nuk është arritur ndonjëherë pa pak vendosmëri dhe durim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
