21 marrëveshjete bashkëpunimit të nënshkruara në mbledhjen e përbashkët të dy qeverive në Shkup, janë vazhdimësi e një numri të njohur marrëveshjes të tilla mes të dy vendeve, Shqipërisë dhe Maqedonisë së Veriut. Historiku i marrëveshjeve të tyre të viteve të fundit përfshinë fushar kryesore.
Shqipëria ka dëshmuar një frymë të njohur të bashkëpunimit ekonomik me fqinjin e saj Maqedoninë e Veriut. Historia e marrëveshjeve dhe e bashkëpunimit është tregues i kësaj fryme që ekziston mes dy vendeve. Marrëveshjet më të rëndësishme janë ato që janë aktive deri tani.
Kështu Kuvendi i Shqipërisë ka ratifikuar marrëveshjen mes Shqipërisë dhe Maqedonisë së Veriut për ngritjen e pikave të përbashkëta të kalimit kufitar ndërmjet dy vendeve. Marrëveshja krijon një instrument që ka lehtësuar shumë, qoftë kalimin e shtetasve midis dy vendeve, ashtu edhe të mallrave dhe shërbimeve, duke i sjellë ato në linjë me standardet e BE-së. Marrëveshja është nënshkruar më 10 qershor 2021.
Lexo: Mendësia pozitive dëmton po aq sa ajo negative!
Një marrëveshje tjetër e rëndësishme ndërmjet qeverisë maqedonase dhe qeverisë shqiptare është ajo për shmangien e tatimeve të dyfishta, lidhur me tatimet mbi të ardhurat dhe mbi kapitalin si dhe për parandalimin e evazionit fiskal. Apo edhe marrëveshja ndërmjet Republikës së Shqipërisë dhe Republikës së Maqedonisë për mbrojtjen shoqërore, miratuar në vitin 2015.
Marrëdhëniet me Maqedoninë e Veriut kanë pasur zhvillime shumë pozitive vitet e fundit, mundësuar me përpjekje të dy palëve. Një tregues i bashkëpunimit shumë të mirë midis dy vendeve janë edhe shkëmbimi i vizitave dypalëshe të nivelit të lartë dhe jo vetëm, marrëveshjet dhe memorandumet e bashkëpunimit të nënshkruara mes dy vendeve, si dhe bashkëpunimi ne kuadrin e organizatave rajonale dhe nismës “Open Balkan”.
Lidhjet tregtare janë zgjeruar dhe vëllimi i tregtisë është rritur, pavarësisht faktit se jemi akoma shumë larg përdorimit të potencialit të plotë. Autoritetet thonë se nevojitet intensifikimi i mëtejshëm i shkëmbimeve tregtare, turistike, arsimore e kulturore etj. Mbledhja e dytë e përbashkët mes të dy qeverive, duket se po vijon të thellojmë fazën e re të marrëdhënieve dypalëshe, përmes punës së nisur dhe angazhimeve të ndërmarra në kuadër të bashkëpunimit rajonal, siç janë projektet e përbashkëta ndërkufitare, ndërlidhja, masat për Zonën Ekonomike Rajonale, si dhe korridori VIII. Shqipëria ka qenë një nga vendet e para që e ka njohur Maqedoninë e Veriut pasi ajo u shkëput nga ish-RFJ, ndërsa marrëdhëniet diplomatike midis dy vendeve u vendosën më 24 dhjetor 1993.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
