Për të përmbushur kërkesën e lartë për automjetin revolucionar, Ford prezantoi metoda revolucionare të reja të prodhimit në masë, duke përfshirë impiantet e mëdha të prodhimit, përdorimin e pjesëve të standardizuara, të ndërrueshme dhe në vitin 1913, linjën e parë të montimit në botë për makina. Me ndikim të madh në botën industriale, Fordi ishte gjithashtu i hapur në sferën politike. Ai u përball me polemika për qëndrimin e tij pacifist gjatë viteve të para të “Luftës së Parë Botërore” dhe mori kritika të shumta për pikëpamjet dhe shkrimet e tij antisemite.
Henry Ford: Jeta e hershme dhe karriera inxhinierike
I lindur në vitin 1863, Henry Ford ishte djali i parë i mbijetuar i William dhe Mary Ford, i cili zotëronte një fermë në Dearborn, Michigan. Në moshën 16 vjeçare, ai u largua nga shtëpia për në qytetin më të afërt, në Detroit, ku gjeti punë si mekanik. Ai u kthye në Dearborn dhe punoi në fermën e familjes pas tre vjetësh, por vazhdoi të ofronte motorrë avulli dhe të punonte sipas rastit në fabrikat e Detroit. Në vitin 1888, ai u martua me Clara Bryant, e cila ishte rritur në një fermë aty pranë.
/Artikulli u publikua më parë në faqen 49 të numrit 14 të revistës Business Magazine Albania. Ju mund të Shfletoni Këtu nr. 14 të saj.
Teknikat e prodhimit në masë të Henry Ford lejuan që Kompania Ford Motor të nxjerrë një Model T çdo 24 sekonda.
Në vitin 1891, ai u kthye me Clara-ën në Detroit, ku u punësua si inxhinier i kompanisë Edison Illuminating. Duke u ngritur shpejt në detyrë ai u bë kryeinxhinier pas dy vjetësh. Në të njëjtën kohë, Clara lindi djalin e vetëm të çiftit, Edsel Bryant Ford. Ford kaloi shumë kohë duke u përpjekur të ndërtonte një karrocë me rrota me benzinë apo një automobil. Në vitin 1896, ai përfundoi atë që e quajti “Quadricycle”, e cila përbëhej nga një kornizë metalike e pajisur me katër rrota biçikletash dhe kishte të instaluar një motorr me dy cilindra me katër kuaj fuqi.
Henry Ford: Si lindi kompania Ford Motor dhe Modelit T?
I vendosur për të përmirësuar prototipin e tij, Ford shiti Quadricycle në mënyrë që të vazhdonte ndërtimin e automjeteve të tjera. Ai mori mbështetjen e investitorëve të ndryshëm gjatë shtatë viteve të ardhshme, disa prej të cilëve formuan Detroit Automobile Company (më vonë kompania Henry Ford) në 1899. Partnerët e tij, të etur për të vënë një makinë pasagjerësh në treg, u acaruan me nevojën e vazhdueshme të Ford për përmirësim dhe ai e la kompaninë e tij në vitin 1902. Pas largimit të tij, ajo u njoh si kompania automobilistike Cadillac. Vitin e ardhshëm, Ford krijoi kompaninë Ford Motor.
Një muaj më vonë u krijua kompania Ford Motor, ku vetura e parë e Ford-it, modeli dy-cilindrik, modeli A me tetë kuaj-fuqi u montua në një fabrikë në Mack Avenue në Detroit. Në atë kohë, vetëm disa makina montoheshin në ditë dhe grupe prej dy ose tre punëtorësh i ndërtonin ato me dorë nga pjesët që porositeshin nga kompani të tjera. Fordi ishte i përkushtuar për të prodhuar një makinë efikase dhe të besueshme që do të ishte e përballueshme për të gjithë; Rezultati ishte Modeli T, i cili bëri debutimin e tij në Tetor të vitit 1908.
Henry Ford: inovacionet e prodhimit dhe punës
“Tin Lizzie”, siç njihej Modeli T, ishte një sukses i menjëhershëm dhe Ford shpejt pati më shumë porosi sesa kompania mund të realizonte. Si rezultat, ai vuri në praktikë teknikat e prodhimit masiv që revolucionarizuan industrinë amerikane, duke përfshirë përdorimin e impianteve të mëdha prodhuese, pjesë të standardizuara, të këmbyeshme dhe linja të montimit të lëvizjes.
Prodhimi masiv shkurtoi ndjeshëm kohën e kërkuar për të prodhuar një automobil, gjë që bëri që kostot të qëndrojnë të ulëta. Në 1914, Ford gjithashtu rriti pagën ditore 8 orarëshe për punëtorët e tij në 5 $ (nga 2.34 dollarë për nëntë orë), duke vendosur një standard për industrinë.
Ford në këto momente ndodhej në vështirësi përsa i përket burimeve njerëzore. Në vitin 1913 kompania punësoi rreth 52.000 persona dhe mbajti vetëm 14.000 prej tyre. Ata qëndronin shumë pak dhe kjo krijoi kosto për kompaninë teksa në shumë raste, puna në linjën e prodhimit ndërpritej nga mungesa e punonjësve.
Edhe pse prodhimi u rrit, kërkesa për Tin Lizzie mbeti e lartë dhe nga 1918, gjysma e të gjitha makinave në Amerikë ishin Model Ts. Në vitin 1919, Ford e emëroi djalin e tij Edsel president të Ford Motor Company, por mbajti kontrollin e plotë të veprimtarisë së kompanisë. Pas një beteje gjyqësore me aksionerët e tij, të udhëhequr nga vëllezërit Horace dhe John Dodge, Henry Ford bleu të gjithë aksionet e minoriteteve deri në vitin 1920. Në vitin 1927, Ford e zhvendosi kompaninë në një kompleks masiv industrial që kishte ndërtuar përgjatë brigjeve të lumit Rouge në Dearborn, Michigan. Fabrika përfshinte një fabrikë qelqi, çeliku, linje montimi dhe të gjitha komponentët e tjerë të nevojshëm të prodhimit të automobilave.
/Artikulli u publikua më parë në faqen 49 të numrit 14 të revistës Business Magazine Albania. Ju mund të Shfletoni Këtu nr. 14 të saj.
Në të njëjtin vit, Ford ndërpreu prodhimin e modelit T dhe prezantoi modelin e ri A, i cili kishte fuqi më të lartë dhe frena më të mira. Deri në atë kohë, kompania kishte prodhuar rreth 15 milionë Model Ts dhe Ford Motor Company ishte prodhuesi më i madh i automjeteve në botë. Ford hapi impiante dhe filiale në të gjithë botën.
HENRY FORD: karriera e mëvonshme & pikëpamjet kontradiktore
Modeli A rezultoi të jetë një zhgënjim relativ. Ai u ndërpre në 1931. Në vitin 1932, Ford prezantoi motorrin e parë V-8, por në vitin 1936 kompania kishte rënë në vendin e tretë në shitjet në industrinë e automobilave.
Pavarësisht politikave të tij progresive në lidhje me pagën minimale, Ford zhvilloi një betejë të gjatë kundër unifikimit të punës, duke refuzuar që të pajtohej me Punëtorët e Bashkuar të Automobilave (UAW) edhe pasi konkurrentët e tij e bënë këtë.
Në vitin 1937, personeli i sigurisë së Fordit u përplas me organizatorët e UAW në të ashtuquajturën “Beteja e Mbikalimit”, në fabrikën Rouge, pas së cilës Bordi Kombëtar i Marrëdhënieve të Punës i urdhëroi Fordit të ndalonte ndërhyrjen në organizimin e sindikatave. Ford Motor Company nënshkroi kontratën e parë me UAW në vitin 1941, por jo më parë se të konsideronte mbylljen e kompanisë për ta shmangur atë.
Pikëpamjet politike të Fordit i dhanë atij kritika të gjera përgjatë viteve, duke filluar me fushatën e tij kundër përfshirjes së Washington-it në Luftën e Parë Botërore. Ai bëri një ofertë të dështuar për një vend të Senatit në SHBA në vitin 1918, duke humbur ngushtë në një fushatë të shënuar nga sulme personale nga kundërshtari i tij. Ford bleu një gazetë lokale në vitin 1918, Dearborn Independent, ku botoi një numër shkrimesh antisemitike që u mblodhën dhe u botuan si një grup katër vëllimesh të quajtur “Hebrei Ndërkombëtar”.
Megjithëse më vonë i hoqi shkrimet dhe e shiti gazetën, ai shprehu admirim për Adolf Hitlerin dhe Gjermaninë dhe në vitin 1938 pranoi Kryqin e Madh të “German Eagle”, medaljen më të lartë të regjimit nazist për një të huaj.
Edsel Ford vdiq në vitin 1943 dhe Henry Ford u kthye në presidencën e Ford Motor Company, para se t’ia dorëzonte atë nipit të tij, Henry Ford II, në vitin 1945. Ai vdiq dy vjet më vonë në shtëpinë e tij Dearborn, në moshën 83
vjeçare.
Ford ka patur një ndikim të rëndësishëm në industrinë e automobilave që kur ata filluan të prodhonin makinat 110 vjet më parë. Si një nga prodhuesit më të vjetër të makinave, Ford ka një histori të mbushur me fakte interesante.
Lexojini ato për të mësuar më shumë për atë që e bën Ford një nga pronarët e markave më të çmuara të makinave për dekada me radhë.
- Ford Motor Company e bëri Henry Ford një nga njerëzit më të pasur dhe më të njohur ndonjëherë.
- Henry Ford dhe Thomas Edison ishin shokë të ngushtë. Ai kërkoi nga djali i Edison që të ruante të mbyllur mirë në një tub frymën e fundit të shokut të tij dhe e ruajti atë si kujtim nga ai.
- Ford është kompania e dytë më e madhe në botë. Nipi i madh i Henry Ford, William Clay Ford, Jr aktualisht është kreu ekzekutiv i kompanisë.
- Në vitin 1893 ai krijoi motorrin e parë me benzinë, 15 vite pasi ai krijoi motorrin e parë me avull.
- Ford i parë iu shit Dr. Pfennig në vitin 1903, për një total prej 850 $. “Modeli A” kishte një motor me 2 cilindra dhe mund të arrinte një shpejtësi maksimale prej 30 mph.
- Drejtori ekzekutiv i Ford, William Clay Ford, Jr., ose Bill Ford, aktualisht zotëron automjetin e parë Ford, i cili është shitur në 1903.
- Logo blu e firmës Ford, me formë ovale u prezantua 4 vite pasi kompania kishte filluar prodhimin.
- Në vitin 1914 Ford i ofroi punonjësve të saj dyfishin e pagës mesatare aktuale të tregut, duke krijuar pagesën “5 $ në ditë”. Paga e re, e shoqëruar nga një ditë më e shkurtër e punës dhe ndarjen e fitimit të kompanisë, minimizoi qarkullimin e punonjësve dhe ishte i rëndësishëm në rritjen e klasës së mesme dhe lëvizjen për të drejtat e pagave. Henry Ford donte t’i ndihmonte punëtorët e tij të kishin një “jetë” jo vetëm “të mbijetonin”.
- Gjatë Luftës së Parë Botërore, Ford krijoi Ford Airplane Company, e cila u mbyll më vonë në vitin 1933 për shkak të mungesës së shitjeve.
- Në vitin 1964, pasi Ford debutoi me Mustang, 94.000 lodra mustang me pedale u blenë për fëmijët në sezonin e Krishtlindjeve.
- Në vitin 1965, një Ford Mustang u transportua në 4 pjesë të ndara në kuvertën e vëzhgimit të ndërtesës Empire State Building, duke përdorur ashensorë rezidentë, ku u ribashkua dhe u fotografua me helikopter. Makina u ribashkua më vonë brenda ndërtesës, derisa më në fund u hoq nga ndërtesa 5 muaj më vonë.
- Makina e vetme që Jim Morrison, këngëtari legjendar i Doors, kishte në pronësi ishte një Shelby GT 500 e vitit 1967.
- Chevrolet në të vërtetë përdori një SuperDuty të Ford për të vendosur ekranin e tyre të Chevy Truck në panairin e shtetit të Teksasit në vitin 2012.
- Kur ish-presidenti Gerald Ford e përshkroi stilin e tij të qeverisjes si pa kuptim, ai tha: “Unë jam një Ford, jo një Lincoln”, duke krahasuar elokuencën e Presidentit Lincoln me Lincoln, kompaninë luksoze të makinave në pronësi të Ford Motor Company.
- Ford F-Series është renditur vazhdimisht si makina numër 1 e shitjeve në Amerikë deri në 2013.
/Artikulli u publikua më parë në faqen 49 të numrit 14 të revistës Business Magazine Albania. Ju mund të Shfletoni Këtu nr. 14 të saj.
Thënie motivuese nga Henry Ford
“Dështimi është mundësia që na jepet për të filluar edhe njëherë në mënyrë më inteligjente.”
“Kur gjithçka duket se po shkon kundër jush, mos harroni se avioni niset kundra erës, jo në drejtim me të.”
“Çdo njeri që ndalon së mësuari është i vjetër, qoftë në të 20-at apo 80-at. Çdo njeri që vazhdon të mësojë qëndron i ri. Gjëja më e mirë në jetë është të mbani mendjen tuaj të freskët.”
“Nëse punohet në skuadër atëherë suksesi kujdeset vetë për veten.”
“Unë nuk shpika asgjë të re. Thjesht mblodha zbulimet e të tjerëve, prapa të cilëve ishin shekuj punë. Progresi ndodh kur të gjithë faktorët që e karakterizojnë atë janë gati dhe atëherë çdo gjë është e pashmangshme.”
“Lejoni që ëndrrat tuaja të jenë më të mëdha se frika dhe veprimet tuaja të jenë më të zhurmshme se fjalët.”
“Cilësi do të thotë të bësh gjënë e duhur kur askush nuk është duke të parë.”
“Gabimi më i madh që mund të bësh është ai nga i cili nuk mëson asgjë.”
“Ata që nuk kanë përdorur marketing për të ruajtur para janë të ngjashëm me ata që ndalojnë orën për të ruajtur kohë.”
“Nëse do t’i pyesja konsumatorët e mi se çfarë ata donin, do të më përgjigjeshin, një kalë më të shpejtë.”
“Vizioni pa ekzekutim është thjesht një haluçinacion.”
“Nëse do të bësh gjithmonë atë që ke bërë gjithmonë, atëherë gjithmonë do të marrësh atë që ke marrë gjithmonë.”
“Një biznes që bën vetëm para është një biznes i varfër.”
/Artikulli u publikua më parë në faqen 49 të numrit 14 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 14 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
