Në kuadër të Javës së Inovacionit, Agjencia Kombëtare për Sigurinë Kompjuterike (ALCIRT) nën kujdesin e veçantë të Ministres për Inovacionin dhe Administratës Publike Znj. Milena Harito, në partneritet me Universitetin e Biznesit dhe Teknologjisë Kosovë dhe Divizionin UBT-CERT organizuan në Tiranë për herë të parë konferencën studentore “Teknologjia që punëson” në ambjentet e Innovation Hub Tirana.
Deri në datën 3 Prill u bë dorëzimi i punimeve, duke patur në fokus temën e Javës së Inovacionit “Teknologjia që punëson”, në ndikimin dhe evoluimin e sulmeve kibernetike në rritjen e vendeve të punës, duke sjellë analiza nga Microsoft, Google, Amazon etj. Punimet e plota u paraqitën deri në datën 24 Prill dhe sot u bë prezantimi i fituesve.
Gjatë konferencës u shpall hapja e “Albania Cyber Academy”, për të apasionuarit pas fushës së kibernetikës. Ndër punimet më të mira u zgjodhën 4 fitues të cilët u pajisën me certifikata si të gjithë pjesëmarrësit dhe përfituan bursa studimi të plota si dhe mundësinë për të qenë të pranishëm në shkollën verore të Pragës, e mundësuar nga NATO, me të gjitha shpenzimet e mbuluara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
