Kompania sapo ka njoftuar se ka në plan të krijojë më shumë se 5.000 vende të reja pune me kohë të pjesshme gjatë vitit të ardhshëm. Pjesa më e mirë? Mund të punoni nga shtëpia. Po, ju do të jeni në gjendje të punoni për Amazon duke qëndruar me pizhame.
Punët janë të përfshira në programin virtual të kompanisë për shërbimin ndaj klientit, e cila lejon punonjësit të punojnë nga shtëpia si një agjent i shërbimit të klientit. Nëse punonjësit punojnë 20 orë në javë, ata do të marrin përfitime (sigurimin e jetës dhe sigurimin dentar të paguara plotësisht) dhe mund të përfitojnë nga “Amazon Career Choice”, një program që do të parapaguajë 95% të kurseve online në fusha të ndryshme.
“Ka shumë njerëz që duan ose kanë nevojë për një punë me kohë të pjesshme, një student kolegji ose një prind i vetëm dhe ne jemi të lumtur t’i fuqizojmë këta njerëz të talentuar,” tha Tom Weiland, zëvendës-presidenti i Amazon për shërbimin ndaj klientit në të gjithë botën.
Amazon gjithashtu planifikon të krijojë më shumë se 25.000 vende pune me kohë të pjesshme në qendrat e saj të realizimit në të gjithë SH.B.A., si dhe 100,000 me kohë të plotë gjatë 18 muajve të ardhshëm. Këto pozicione me kohë të plotë do të jenë të vendosura në të gjithë vendin dhe do të përfshijnë pozicione si inxhinier dhe zhvillues software.
Burimi: time.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
