Viti i ri ka pasur një fillim të madh sa i përket fansave të teknologjisë mobile, duke vazhduar kështu me një nga shfaqjet më të mëdha të industrisë, CES 2016, i cili përfundoj javën e kaluar. Disa javë më vonë do takohemi me MWC dhe më pas do shohim eventet e industrive që mbahen për vit dhe këtë rradhë do të fokusohemi tek kompanitë që janë mbrapa platformave mobile më të mëdha: Microsoft Build, Google I/O, dhe Apple WWDC.
Sa i përket Google pak orë më parë ka bërë të ditur datën se kur do të mbahet Konferenca I/O për zhvilluesit. Eventi do të mbahet tek Amfiteatri Shoreline më datë 18-20 Maj.
Kompania zakonisht e përdor këtë konferencë për të prezantuar versionin e rradhës të Android, i cili për momentin njihet vetëm si “Android N” dhe disa projekte të tjera. Disa po spekulojnë që tani se këtë vit në axhendën e tij, Google, do të flasë më tepër për makinat që ngasin vetën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
