Google po shkon nën det, në mënyrë që infrastruktura e saj cloud të jetë mbi rivalët Amazon dhe Microsoft.
Gjiganti i motorrit të kërkimit njoftoi të martën se po ndërton kabllon e vet privat nënujor ndërmjet SHBA dhe Francës. Ky kabllo do të quhet Dunant nga Henry Dunant, i cili është themeluesi i Çmimit Nobel për Paqen.
Google pret që Dunant të jetë funksional në vitin 2020.
“Dunant shton kapacitetin e rrjetit në të gjithë Atlantikun, duke plotësuar një nga rrugët më të ngarkuara të internetin dhe duke mbështetur rritjen e Google Cloud,” shkroi në një postim në blog Jayne Stowell, negociator strategjik i infrastrukturës globale pranë Google.
Lexoni: Sistemi i ri i Google parashikon dhe vdekjen
Kabllot nën ujë zakonisht janë ndërtuar dhe mirëmbajtur nga shoqëritë partnere të kompanive. Për shembull, Google dhe Facebook u bashkuan në vitin 2016 për një projekt kabllosh prej 8,000 miljesh, që lidh Los Angeles dhe Hong Kong.
Këtë herë, ky kabllo i takon Google dhe vetëm Google. Në të vërtetë, Dunant do të jetë kabllo i parë transatlantik i zotëruar vetëm nga një kompani jo telekomunikacioni.
Kjo do të thotë se Google ka më shumë kontroll mbi kapacitetin dhe rrugën e kabllos, duke i dhënë asaj një avantazh infrastrukturor ndaj konkurrentëve si Microsoft Azure dhe Amazon Web Services, të cilët mbështeten në kabllot e shoqërive partnere për të ndihmuar në përshpejtimin e të dhënave të tyre.
Dunant është kabllo i parë i Google që kalon brenda një oqeani, por i dytë privat i gjigantit të kërkimit. I pari, i quajtur Curie, do të fillojë të funksionojë në vitin 2019, duke lidhur Los Angeles dhe Kilin.
/BI
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
