Festivali dhe konferenca më e madhe e teknologjisë në rajon, KosICT e cila do të mbahet me 28 dhe 29 tetor në Pallatin e Rinisë në Prishtinë, nën organizimin e Shoqatës së IT-së (STIKK), ICK-së dhe Kolegjit Universum, këtë vit po sjell emrat më të njohur në botë të teknologjisë dhe biznesit, duke përfshirë edhe drejtorin e Partneriteteve në Google, ish-drejtori për Evropë në Apple, shqiptaren nga Kosova, Hava Maloku, menaxhere e Marketingut në LinkedIn, kryeredaktoren e Entrepreneur Magazine, Amy Cospersi dhe mbi 40 folës të tjerë nga kompani të njohura, si Rimac Automobili, e konsideruar si Tesla e Evropës.
Përveç programit të pasur në dy salla paralele, KosICT organizon edhe Panairin e Startupeve dhe kampionatin në eSports.
Ndërsa gjatë dy netëve, Prishtina do të frymojë teknologji dhe biznes, me 5 baret më të njohura të qytetit mikpritëse të mysafirëve të konferencës ku teknologjia do të diskutohet në mjedis jo-formal.
Ndërsa të shtunën nga ora 20:30, në Miqt Pub, organizohet FuckUp Nights, ku folësit do të ndajnë dështimet e tyre në jetë dhe në karrierë.
I gjithë festivali do të përmbyllet me një super ‘party’ me DJ të njohur nga Belgjika, e cila mbahet në Morena Pub.
Edhe shumë pak vende të lira kanë mbetur, prandaj regjistrohuni në www.kosict.com.
Burimi: telegrafi.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
